«Emi-2025»: bolš za ŭsich uznaharod atrymaŭ brytanski sieryjał «Pierachodny ŭzrost»
Na cyrymonii ŭručeńnia premij «Emi» za najlepšyja anhłamoŭnyja televizijnyja pracy ŭ hetym hodzie bolš za ŭsich uznaharod — šeść — atrymaŭ brytanski mini-sieryjał «Pierachodny ŭzrost» (Adolescence), a jaho akcior Oŭen Kupier staŭ samym maładym u historyi ŭładalnikam premii «Emi», piša Bi-bi-si.
«Pierachodny ŭzrost» vyjšaŭ u sakaviku hetaha hoda na Netflix. Heta čatyrochsieryjnaja psichałahičnaja drama pra zabojstva ŭ škole, źniataja brytancami na čale z režysioram Filipam Barancini.
15-hadovy Oŭen Kupier atrymaŭ premiju jak lepšy akcior druhoha płana ŭ mini-sieryjale. Premiju za najlepšaje vykanańnie hałoŭnaj roli ŭ mini-sieryjale prysudzili Styvienu Hremu za rolu ŭ tym ža filmie.
Najlepšym poŭnafarmatnym sieryjałam na štohadovaj cyrymonii ŭ Łos-Andželesie pryznany amierykanski «miedycynski» sieryjał «Balnica Pit» pra rabotnikaŭ balnicy ŭ Pitsburhu, a Noa Uajli staŭ najlepšym vykanaŭcam mužčynskaj hałoŭnaj roli.
Najlepšym kamiedyjnym sieryjałam pryznana («Kinastudyja»), zroblenaja kanadskim komikam Setam Rohienam z paplečnikami, i dadatkova da hetaha Rohien atrymaŭ «Emi» i jak najlepšy vykanaŭca hałoŭnaj mužčynskaj roli ŭ kamiedyi. «Kinastudyja» vyjšła ŭ sakaviku na Apple TV+. Ahułam «Kinastudyja!» pieramahła składanaści ŭ 13 naminacyjach
Najlepšaj aktrysaj-vykanaŭcaj hałoŭnaj roli stała ŭ hetym hodzie amierykanka Bryt Łaŭer, jakaja hraje ŭ fantastyčnym sieryjale «Raździaleńnie» («Sewerance»).
Kamientary