U Połacku likvidavali stohadovuju drukarniu, nazvanuju ŭ honar Franciška Skaryny
U apošni dzień 2025 hoda ŭ Połacku likvidavali drukarniu, jakaja nazyvałasia ŭ honar słavutaha ziemlaka — Połackaje kamunalnaje ŭnitarnaje palihrafičnaje pradpryjemstva «Spadčyna Francyska Skaryny». Dakumienty na likvidacyju drukarni byli padadzienyja 10 sakavika 2025 hoda, piša Biełaruskaja asacyjacyja žurnalistaŭ.
Fota: tipografia-polotsk-vitebsk.ibiz.by
Ciapier na sajcie kansałtynhavaha pradpryjemstva «Viciebski abłasny centr markietynhu» pradajuć usiu majomaść «Spadčyny Francyska Skaryny», u tym liku techniku, meblu i pradmiety interjeru.
Drukarnia vyrablała błanki, kalendary, płakaty, rekłamnyja praśpiekty, a taksama bolš za dziesiać hadoŭ była viadomaj tym, što rabiła etykietki i ŭpakoŭku dla charčovaj pramysłovaści.
U śniežni 2018 hoda drukarnia adznačyła svajo 100‑hodździe i ŭ toj čas dziaržaŭnyja ŚMI Biełarusi nazyvali jaje «ŭzornym» pradpryjemstvam.
Jak pisali dziaržaŭnyja srodki masavaj infarmacyi, «u dalokim 1918 hodzie maładaja savieckaja respublika pryniała rašeńnie ab stvareńni dziaržaŭnaj drukarni šlacham nacyjanalizacyi i abjadnańnia troch pryvatnych drukarniaŭ. Niahledziačy na ciažkija vajennyja i paślavajennyja hady, raskidańnie Savieckaha Sajuza i inšyja histaryčnyja padziei, drukarnia ni na dzień nie spyniała svaju pracu».
Ale i hetamu pryjšoŭ kaniec, 31 śniežnia 2025 hoda staŭ apošnim dniom isnavańnia połackaj drukarni.
Raniej u tym ža 2025 hodzie z pryčyny finansavych prablem na miažy likvidacyi była i hłybockaja drukarnia, jakaja mieścicca ŭ budynku pobač z redakcyjaj rajonnaj haziety «Vieśnik Hłyboččyny». Jana ŭ asnoŭnym drukuje kancylarskija tavary ź dziaržaŭnaj simvolikaj, ale časam vykonvaje i pryvatnyja zamovy ad miascovych paetaŭ, piśmieńnikaŭ dy inšych tvorčych asob, vyrablaje dla ich knihi i brašury.
Na praciahu hoda hetuju drukarniu finansava lichamaniła. Jana nieadnarazova traplała ŭ «čorny śpis» zavinavačanych, ale chutka vychodziła ź jaho. Na sajcie Ministerstva padatkaŭ i zboraŭ apošniuju zapazyčanaść hłybockaja drukarnia zakryła 13 studzienia 2026 hoda.
Adziny viadomy partret Vasila Ciapinskaha akazaŭsia vyjavaj francuzskaha architektara
Na haryščy pad Stoŭbcami znajšli artefakty, jakija sialanie 60 hadoŭ tamu schavali ad savieckaj ułady
Na budynku vilenskaj drukarni Skaryny źjaviŭsia čarhovy pravakacyjny nadpis FOTA
Biełarusaŭ u Polščy zatrymali za pracu ŭ padpolnych drukarniach
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary