Ekranka? U Biełaruś zavieźli novy «Avatar» — hledačy narakajuć na kiepskuju jakaść
Stužcy «Avatar: Połymia i popieł» ciažka ŭ biełaruskim prakacie. Spačatku premjeru adkłali na dva tydni, kab pakazać rasijskaje «Prastakvašyna», potym viarnuli ŭ prakat, ale na čatyry dni paźniej za pieršuju datu premjery. A ciapier kažuć, što film dajechaŭ da Biełarusi ŭ drennaj jakaści.
Minčuki dzielacca ŭražańniami ad novaha «Avatara» ŭ Threads. Vyhladaje, što jakaść karcinki častkova zaležyć ad charaktarystyk kankretnaha kinazała, pryčym drennyja ŭražańni byli i ŭ naviedvalnikaŭ novych kinateatraŭ.
Naprykład, zastalisia rasčaravanymi niekatoryja hledačy, jakija pajšli na «Avatar» u kinateatr Mooon, što ŭ Minsk City Mall. Adna z hladačak uspaminaje: było tak drenna, što i huk, i videa spynialisia. Praŭda, kiraŭnictva kinateatra dasłała vybačeńni za taki dośvied i pramakod na novy kvitok.
A voś uražańni dziaŭčyny, jakaja pajšła hladzieć film u kinateatry HC «Zamak»:
«Drennaja jakaść. Było adčuvańnie pieršyja 10‑20 chvilin, što stužka dla 3D-prahladu, plus trasianina kadra. Dumała ŭ pieršyja 10‑20 chvilin, što sydu.
Potym ci to zvykłasia, ci to zrabiłasia lepš. Ale zahojdvała kankretna».
Jašče adna hladačka nadumała pabačyć stužku ŭ minskim «Biareści»:
«Karcinka tam takaja, što vočy paśla pieršych 10 chvilin pačynajuć prasić pierazahruzki. Pra inšyja kinateatry nie viedaju, ale, napeŭna, niedzie lepiej».
«Film kłasny, pytańniaŭ niama. Ale što ja, što muž zaŭvažyli niejkuju dziŭnuju zamylenuju jakaść, jak byccam pakazali na vialikim ekranie pirackuju viersiju», — dzielicca jašče adna biełaruska.
Tym nie mienš, niekatoryja biełarusy całkam zadavolenyja dośviedam:
«Kažuć, u adnoj z załaŭ novaha Mooon byli prablemy z zavisańniem. Ja była ŭ treciaj zale, i karcinka z hukam byli vydatnyja. Vidać, drennaja jakaść — heta kropla ŭ mory, jakuju razdźmuli».
«My byli ŭ Skyline. Usio spadabałasia».
Usie stužki z franšyzy «Avatara» źniatyja z vykarystańniem pieršakłasnych śpiecefiektaŭ. Čaściej za ŭsio hledačy pra heta viedajuć i niaredka iduć na «Avatar» mienavita dziela taho, kab atrymać asałodu ad toj pryhažości. Tamu toje, što prablemy napatkali mienavita «Avatar», asabliva sumna.
Cikava, što na anałahičnyja prablemy skardziacca i rasijanie. Tamtejšyja hledačy abmiarkoŭvajuć u sacsietkach, što, mahčyma, im zavieźli nie narmalnuju kopiju stužki, a tak zvanuju ekranku, chacia i vielmi jakasnuju — źniatuju, napeŭna, ź linzy prajektara prosta padčas pakazu.
«Naša Niva» — bastyjon biełaruščyny
PADTRYMAĆCiapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES6
Kamientary