Litoŭskija ŭłady kanstatavali palapšeńnie situacyi z kantrabandnymi šarami ź Biełarusi
Daradca prezidenta Litvy Dejvidas Matulonis zajaviŭ, što situacyja z kantrabandnymi pavietranymi šarami, jakija zapuskalisia z terytoryi Biełarusi i pieraškadžali pracy aeraportaŭ, istotna palepšyłasia. Pavodle jaho słoŭ, užo kala paŭtara miesiaca nie ŭźnikała surjoznych prablem, praź jakija davodziłasia b spyniać pracu aeraportaŭ, choć umovy nadvorja byli roznymi, paviedamlaje lrytas.lt.
Razam z tym Dejvidas Matulonis adznačyŭ, što pakul rana śćviardžać, što prablema całkam vyrašanaja i maje ŭstojlivy charaktar — za situacyjaj treba jašče nazirać.
Jon ličyć, što na źmianšeńnie kolkaści takich incydentaŭ paŭpłyvała adrazu niekalki faktaraŭ: aktyŭnaja praca litoŭskich pravaachoŭnych orhanaŭ suprać arhanizataraŭ kantrabandy, klimatyčnyja ŭmovy, a taksama mahčymy cisk z boku ZŠA.
U pryvatnaści, nie vyklučajecca, što vynik dało patrabavańnie śpiecyjalnaha pasłańnika ZŠA Džona Koŭła, jaki padčas sustrečy z Alaksandram Łukašenkam zaklikaŭ spynić zapusk šaroŭ, jakija Litva razhladaje jak elemient hibrydnaj ataki. Raniej amierykanski dypłamat paviedamlaŭ, što Łukašenka paabiacaŭ spynić takija dziejańni.
Niahledziačy na časovaje zacišša, ułady Litvy padkreślivajuć, što pahroza nie źnikła całkam. Kiraŭnik Nacyjanalnaha centra kiravańnia kryzisami i pradstaŭniki ŭrada ličać nieabchodnym zachoŭvać pilnaść i pakul nie admianiać režym nadzvyčajnaj situacyi, uviedzieny ŭ krainie praz kryzis z šarami. Premjer-ministarka Litvy Inha Ruhinienie taksama adznačyła, što aceńvać situacyju jak kančatkova stabilizavanuju pakul rana, a baraćba z kantrabandaj budzie praciahvacca.
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
Litva naniesła maštabny ŭdar pa «bałonikavaj» mafii: zatrymanyja kiraŭniki i dziasiatki kantrabandystaŭ
Łukašenka pra pavietranyja šary ź Biełarusi: Ja razmaŭlaŭ ź lotčykami, dla samalotaŭ nijakaj prablemy niama
Avijakampanii pakul nie źbirajucca masava kasavać rejsy ŭ Vilniu. Ale precedenty ŭžo jość
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny41
Kamientary