U vydaviectvie «Papury» vyjšła pieravydańnie ramana «Mefista. Raman ab adnoj karjery» piśmieńnika i žurnalista Kłaŭsa Mana u pierakładzie vybitnaha biełaruskaha pierakładčyka Vasila Siomuchi, piša bellit.info.
Upieršyniu kniha ŭ pierakładzie ź niamieckaje na biełaruskuju movu była vydadzienaja ŭ 2006 hodzie ŭ vydaviectvie Źmitra Kołasa. Novaje vydańnie maje dychtoŭnuju ćviorduju vokładku i bolš za 300 staronak.
Anatacyja:
«Hiendryk Hiofhien, śpiecyjalist pa rolach elehantnych niahodnikaŭ, zabojcaŭ u frakach, histaryčnych intryhanaŭ, ničoha nie bačyć, ničoha nie čuje, ničoha nie zaŭvažaje. Jon hetak ža mała žyvie ŭ horadzie Bierlinie, jak raniej mała žyŭ u horadzie Hamburhu. Jon nie bačyć ničoha, aprača sceny, kinaatelje, hrymiorak, niekalkich načnych restaranaŭ, niekalkich raskošnych załaŭ i sałonaŭ… Zamknuty, jak u turmie, va ŭłasnaj słavie, nienajedny i niastomny, zaŭsiody ŭ najvyšejšym isteryčnym napružańni, artyst Hiofhien radujecca i pakutuje ad svajho losu, jaki zdajecca jamu vyklučnym. I nie razumieje, što jahony ŭźlot — heta tolki vulharnaja, bliskučaja arabieska na krai asudžanaha na pahibiel źnieduchoŭlenaha ruchu nasustrač katastrofie».
Apisanaja ŭ ramanie situacyja adbyvajecca ŭ pieryjad ustalavańnia ŭ Niamieččynie tatalitarnaha režymu. Pakazanaja ź siaredziny, jana vydatna ilustruje, jak pastupova mianiajucca pohlady piersanažaŭ. Napačatku jany amal usie stajać na prahresiŭnych pazicyjach, ale nieŭzabavie adny, ćviorda trymajučysia svaich pryncypaŭ, vymušanyja imihravać abo hinuć u vyniku represij, a druhija, staŭšy na šlach kanfarmizmu, uhavorvajuć siabie na mahčymaść «supracoŭnictva z djabłam» i svaimi «dobrymi namierami» brukujuć sabie darohu ŭ piekła.
-
Illa Šynkarenka: Prosta pryjšoŭ i skazaŭ baćkam, što ciapier razmaŭlaju na biełaruskaj movie
-
Biełaruskija litaratary siońnia ŭ Dzień rodnaj movy praviaduć dyktoŭki
-
«Ździek z tvora Uładzimira Siamionaviča». Hledačy ŭ šoku ad premjer pa Karatkieviču ŭ RTBD i Homielskim moładzievym teatry, nie ŭsie dasiedžvajuć
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ30
Kamientary