Kiroŭca rejsavaha aŭtobusa sprabavaŭ uvieźci z Polščy kala 500 staražytnych maniet
Supracoŭniki biełaruskaj mytni kanfiskavali ŭ biełaruskaha kiroŭcy kala 500 staradaŭnich maniet, jakija jon sprabavaŭ nielehalna zavieźci ŭ krainu z Polščy, paviedamili ŭ Dziaržaŭnym mytnym kamitecie Biełarusi. Pavodle infarmacyi mytnikaŭ, ahulny košt maniet, pryznanych kulturnymi kaštoŭnaściami, skłaŭ bolš za 20 tysiač rubloŭ.
Pavodle danych DMK, 49-hadovy mužčyna jechaŭ z Polščy na rejsavym aŭtobusie praz punkt propusku «Brest».
«Kulturnyja kaštoŭnaści schavaŭ u padłakotniku, siejfie, instrumientalnaj skryni, za zavodskaj abšyŭkaj stolevaj prastory, bakavych ścienak i dźviarej transpartnaha srodku», — paviedamili mytniki.
Miescy schovanak jany znajšli dziakujučy vykarystańniu inśpiekcyjna-nadhladnaha kompleksu.
Byli vyjaŭlenyja maniety z roznych spłavaŭ (srebnych, aluminijevych, miednych, nikielevych), roznych naminałaŭ, hadoŭ vypusku i krain (Rasijskaj Impieryi, Šviecyi, Italii, Niderłandaŭ, Vienhryi, Aŭstryi i inšych). Zhodna z zaklučeńniem ekśpierta, usie jany adnosiacca da kulturnych kaštoŭnaściaŭ, bo byli vybityja bolš za 100 hadoŭ tamu. Ahulny ich acenačny košt skłaŭ zvyš 20 tysiač rubloŭ.
Mytnia raspačała administracyjny praces, mužčynu ciapier pahražaje štraf u pamiery da 30 bazavych vieličyń (1200 rubloŭ), a taksama kanfiskacyja maniet i transpartnaha srodku.
Ciapier čytajuć
Anžalicy Mielnikavaj vydali pašpart prykryćcia na imia Anhieliny Radzivonavaj?13
Kamientary