Uładzimir Čudziancoŭ vyjšaŭ na svabodu i sustreŭsia z Pratasievičam
Viadomy žurnalist pravioŭ za kratami amal piać hadoŭ.
Pra vychad z kałonii niekali ŭpłyvovaha žurnalista ź jahonym śviežym fota ŭ jakaści paćviardžeńnia paviedamiŭ Raman Pratasievič, jaki raniej anansavaŭ, što Čudziancoŭ nieŭzabavie vyjdzie i daść intervju pra prajekt Nexta, la vytokaŭ jakoha jon niekali nibyta stajaŭ.
U 1990-ja Čudziancoŭ (tady pad proźviščam Zujeŭ) byŭ aŭtaram prapahandysckich artykułaŭ pra apazicyjanieraŭ. Paśla Kryma-2014 rezka źmianiŭ pazicyju, zajmieŭ antypucinskija i antyłukašenkaŭskija pohlady.
U listapadzie 2019 hoda Uładzimir Čudziancoŭ byŭ zatrymany ŭ ciahniku padčas pajezdki ŭ Polšču. U jaho nibyta znajšli narkotyki, choć niekatoryja ličyli jaho zatrymańnie palityčna matyvavanym. Kančatkovaje abvinavačańnie było nastupnym:
- č. 2 artykuła 343 (raspaŭsiud porna zaviedama niepaŭnaletniamu) — 2 hady;
- č. 1 artykuła 328 — zachoŭvańnie narkotykaŭ;
- č. 1 artykuła 14, č. 1 artykuła 328 (zamach na niezakonny pieravoz narkotykaŭ praz hranicu) — 4 hady i štraf 27 tysiač rubloŭ.
Čudziancovu dali 6,5 hoda kałonii (ale hod skinuli pa amnistyi). Adbyvaŭ pakarańnie jon u mahiloŭskaj kałonii № 15.
Čudziancoŭ raskazvaŭ tym, chto jaho atačaŭ u kałonii №15, što da jaho za apošni čas niekalki razoŭ pryjazdžali z KDB. Metu pryjezdu jon nie ŭdakładniaŭ.
U toj ža čas Čudziancoŭ šmat havaryŭ pra svaju pracu na prajekcie Nexta. I na voli, kažuć byłyja viaźni, Čudziancoŭ płanuje «vyrašać pytańnie z Nexta». Što pad hetym majecca na ŭvazie, nieviadoma.
Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
«Čudziancoŭ prahnie vyrašyć pytańnie z Nexta»
Pratasievič pahražaje apublikavać «kampramat» — intervju z Čudziancovym, jaki dniami vychodzić na svabodu
Były palitviazień pra Čudziancova: Viedaju ludziej, jakija ad jaho paciarpieli za kratami
Vyzvaleny palitviazień raspavioŭ pra zmročnuju rolu Čudziancova ŭ kałonii
«Jaŭrejskaje łobi», 500 miljonaŭ ad Sorasa i Čudziancoŭ. ANT pakazała film «Zabić prezidenta»
Kamientary