Уладзімір Чудзянцоў выйшаў на свабоду і сустрэўся з Пратасевічам
Вядомы журналіст правёў за кратамі амаль пяць гадоў.
Пра выхад з калоніі некалі ўплывовага журналіста з ягоным свежым фота ў якасці пацвярджэння паведаміў Раман Пратасевіч, які раней анансаваў, што Чудзянцоў неўзабаве выйдзе і дасць інтэрв'ю пра праект Nexta, ля вытокаў якога ён некалі нібыта стаяў.
У 1990-я Чудзянцоў (тады пад прозвішчам Зуеў) быў аўтарам прапагандысцкіх артыкулаў пра апазіцыянераў. Пасля Крыма-2014 рэзка змяніў пазіцыю, займеў антыпуцінскія і антылукашэнкаўскія погляды.
У лістападзе 2019 года Уладзімір Чудзянцоў быў затрыманы ў цягніку падчас паездкі ў Польшчу. У яго нібыта знайшлі наркотыкі, хоць некаторыя лічылі яго затрыманне палітычна матываваным. Канчатковае абвінавачанне было наступным:
- ч. 2 артыкула 343 (распаўсюд порна заведама непаўналетняму) — 2 гады;
- ч. 1 артыкула 328 — захоўванне наркотыкаў;
- ч. 1 артыкула 14, ч. 1 артыкула 328 (замах на незаконны перавоз наркотыкаў праз граніцу) — 4 гады і штраф 27 тысяч рублёў.
Чудзянцову далі 6,5 года калоніі (але год скінулі па амністыі). Адбываў пакаранне ён у магілёўскай калоніі № 15.
Чудзянцоў расказваў тым, хто яго атачаў у калоніі №15, што да яго за апошні час некалькі разоў прыязджалі з КДБ. Мэту прыезду ён не ўдакладняў.
У той жа час Чудзянцоў шмат гаварыў пра сваю працу на праекце Nexta. І на волі, кажуць былыя вязні, Чудзянцоў плануе «вырашаць пытанне з Nexta». Што пад гэтым маецца на ўвазе, невядома.
Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў
«Чудзянцоў прагне вырашыць пытанне з Nexta»
Пратасевіч пагражае апублікаваць «кампрамат» — інтэрв'ю з Чудзянцовым, які днямі выходзіць на свабоду
Былы палітвязень пра Чудзянцова: Ведаю людзей, якія ад яго пацярпелі за кратамі
Вызвалены палітвязень распавёў пра змрочную ролю Чудзянцова ў калоніі
«Яўрэйскае лобі», 500 мільёнаў ад Сораса і Чудзянцоў. АНТ паказала фільм «Забіць прэзідэнта»
Каментары