Dniami na volu vychodzić Uładzimir Čudziancoŭ, i Raman Pratasievič užo anansavaŭ mahčymuju hutarku ź im. «Naša Niva» daviedałasia praz krynicy siarod byłych viaźniaŭ, čym dumaje zajmacca niekali ŭpłyvovy žurnalist.
Jak my daviedalisia, Čudziancoŭ vychodzić na volu ŭ kastryčniku.
Čudziancoŭ raskazvaŭ tym, chto jaho atačaŭ u kałonii №15, što da jaho za apošni čas niekalki razoŭ pryjazdžali z KDB. Metu pryjezdu jon nie ŭdakładniaŭ.
U toj ža čas Čudziancoŭ šmat havaryŭ pra svaju pracu na prajekcie Nexta. I na voli, kažuć byłyja viaźni, Čudziancoŭ płanuje «vyrašać pytańnie z Nexta». Što pad hetym majecca na ŭvazie, nieviadoma.
Stvaralnik Nexta Ściapan Puciła vykazaŭ dumku, što razabracca z prajektam ułady chočuć, tamu što jon vielmi ŭpłyvovy.
Nexta — adzin z samych papularnych biełaruskich miedyjaprajektaŭ. Najbolšuju viadomaść jon nabyŭ u 2020 hodzie na chvali pratestaŭ. Prajekt i ciapier maje vialikuju aŭdytoryju. Telehram-kanały Nexta i Nexta Live majuć 145 tysiač i 926 tysiač padpisčykaŭ adpaviedna (pieršy publikuje biełaruskija naviny, druhi daje bolš zamiežnych). U jutubie ŭ kanałaŭ Nexta i Nexta Live 639 tysiač i 1,66 młn padpisčykaŭ.
Naša krynica źviartaje ŭvahu, što da Čudziancova zaŭvažna dobra staviŭsia načalnik kałonii Alaksiej Łazarenka. Były viazień kałonii kaža, što Čudziancoŭ moh u luby čas chadzić da taho na pryjom biez čarhi, čym i karystaŭsia.
Raniej inšyja byłyja viaźni kałonii kazali, što Uładzimir Čudziancoŭ supracoŭničaŭ z administracyjaj. Palitviaźni śćviardžali, što jon zajmaŭsia stukactvam. Jak kazaŭ nam były palitviazień, «kali Čudziancoŭ prynosiŭ apieratyŭnikam infarmacyju pra niejkaha źniavolenaha, taho adpraŭlali ŭ ŠIZA minimum na 5 sutak».
Čudziancova zatrymali na miažy z Polščaj u 2019 hodzie. Sud pryznaŭ jaho vinavatym u nabyćci i zachoŭvańni narkotykaŭ biez mety zbytu i ŭ sprobie pieravozu narkotykaŭ praź miažu, a taksama raspaŭsiudzie porna zahadzia niepaŭnahadovamu. Niekatoryja ličyli jaho zatrymańnie palityčna matyvavanym. Čudziancovu dali 6,5 hoda kałonii (ale hod skinuli pa amnistyi).
«Naša Niva» — bastyjon biełaruščyny
PADTRYMAĆPratasievič pahražaje apublikavać «kampramat» — intervju z Čudziancovym, jaki dniami vychodzić na svabodu
Były palitviazień pra Čudziancova: Viedaju ludziej, jakija ad jaho paciarpieli za kratami
Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary
Takžie dostupien jeho Fiejsbuk (ranieje był skryt/vriemienno zabłokirovan.
Takžie sovietuju obratiť vnimanije na rośsijskij forum "Nasikomyje" (tam obsuždajut ličnuju žizń vsiakich rośsijskich źviozd i frikov)
Vbiejtie v poisk familiju Čudiencova, i uznajetie mnoho podrobnostiej o jeho niezdorovom intieriesie k malčikam i davniej družbie s takim žie "lubitielem" Sierhiejem Kuźniecovym (odin iz osnovatielej "Łaskovoho maja".
a
ja
havaraščaja pryčosačka
poza
i
ružovyja pałosački na.. hchm.. RUbašečka