«Chto tut nie byŭ, chaj zakryje rot». Polski akcior dałučyŭsia da ŭschvaleńnia łukašenkaŭskaj Biełarusi
Polski akcior Jarasłaŭ Jakimovič, viadomy pa vostrasiužetnym filmie «Maładyja vaŭki», pryjechaŭ u Biełaruś i vykłaŭ na jutubie i ŭ sacsietkach šerah kamplimientarnych videa i pastoŭ pra hetu pajezdku, piša Most. Vidavočny pasył jaho rolikaŭ u tym, kab razburyć niehatyŭnaje ŭjaŭleńnie pra režym Łukašenki.
Adno ź videa Jakimovič zdymaje ŭ handlovym centry «Karona». Jon prapanuje svajoj aŭdytoryi zirnuć, jak vyhladajuć palicy biełaruskich kramaŭ, i abviarhaje nibyta raspaŭsiudžanaje mierkavańnie, što ŭ Biełarusi niama tavaraŭ i biedna.
Inšy rolik źniaty ŭ «Jeŭraopcie», dzie akcior źniapraŭdžvaje śćviardžeńnie, što ŭ Biełarusi niama zamiežnych brendaŭ. Jon pakazvaje palicy z bytavoj chimijaj i kaśmietykaj, napojami i inšymi tavarami.
Bolšuju častku rolikaŭ Jakimovič supravadžaje sarkastyčnym zhadvańniem režymu Łukašenki — heta padajecca ŭ tym klučy, što biełaruski režym časta demanizujuć, a nasamreč ludziam u Biełarusi žyviecca dobra.
Naprykład, rolik z Hrodna, dzie pakazanyja vuličnyja muzykanty i haradžanie, jakija hulajuć pa Savieckaj płoščy, akcior supravadziŭ nazvaj «teror na vulicach Hrodna. Režym bačny niaŭzbrojenym vokam. Kožny, chto tut nie byŭ, chaj zakryje rot». Nazva pierabivajecca hareźlivymi smajlikami.
Naviedaŭ Jakimovič i strelbišča — miarkujučy pa łakacyi, nazvanaj u fejsbuku, jano raźmiaščajecca ŭ Minsku. Tam jon pastralaŭ pa mišeniach. I prakamientavaŭ svoj zaniatak u zvykłym iraničnym styli: «Smutak i nuda apanoŭvajuć ludziej u hetaj Biełarusi. Režym Łukašenki žudasny, jak vy možacie bačyć. Kali łaska, zakryjcie raty tyja, chto nikoli tut nie byŭ».
«Chaj nichto i nikoli bolš nie raspaviadaje mnie tryźnieńniaŭ pra Biełaruś», — napisaŭ jon u inšym paście, dzie pakazana, jak minčuki adpačyvajuć u restaranie.
U kamientarach mnohija pahadzilisia ź Jakimovičam u acenkach, ale mnohija i navažylisia ź im paspračacca. Naprykład, jamu źviartali ŭvahu, što mierkavać pra dabrabyt nacyi treba nie pa asartymiencie na palicach, a pa tym, kolki možna dazvolić sabie na šarahovuju zarpłatu.
«Čamu ž jany biahuć z hetaj cudoŭnaj Biełarusi ŭ chałodny, ciomny polski les?» — napisaŭ u kamientarach na fejsbuku adzin z karystalnikaŭ.
Adreahavała na pasty Jakimoviča i polskaje vydańnie Niezalezna. «Ci maralna paziravać sa zbrojaj u krainie, jakaja zmahajecca z Polščaj?» — zadajecca pytańniem vydańnie. I adkazvaje: «Vielmi sumnieŭna».
Apytanka
Paśla Łukašenki. Ci zdaduć niezaležnaść Biełarusi mahčymyja pierajemniki dyktatara?
«Musim farmavać pazityŭny vobraz Biełarusi, a nie tolki «dapamažycie, palitviaźni, represii». Dyrektar «Biełsata» Dzikavicki ab pieramienach
«Błahodarim… Vpiečatlajet… Prijatno…» Jak mazyrskija rabočyja reahujuć na hubiernatara pavodle ideołahaŭ
Ułady Hrodna chvalacca, što da ich pryjechała «delehacyja Padlašskaha vajavodstva». Nasamreč heta marhinały
Kiraŭnik Lidy zaklikaŭ siłavikoŭ nie spyniać palityčnych represij28
Kamientary
Ci heta ŭ Drazdach?
I požiť nado, požiť riadovym biełarusom na zarpłatu biełorusa, hodika 2-3 nado było by, i tolko tohda roliki vykładyvať.