U prapahandyscki siužet pra historyju konkursa «Mis Biełaruś» trapiŭ tvar byłoj palitźniavolenaj
Telehram-kanał «Rozovyje kosynki», pryśviečany represavanym biełaruskam, źviarnuŭ uvahu, što ŭ narezcy historyi konkursa «Mis Biełaruś» na Pieršym nacyjanalnym kanale praź niedahlad ci niaviedańnie stvaralnikaŭ siužeta pramilhnuŭ tvar dziaŭčyny, jakaja paźniej trapiła pad represii i była pryznanaja paliźniavolenaj.
Na fota — Lidzija Novik, jakaja była zatrymanaja 3 studzienia 2022 hoda, a praz try miesiacy, 11 krasavika, była asudžanaja Zavodskim sudom horada Minska da troch hadoŭ «chimii». Uvieś čas da suda jana znachodziłasia ŭ SIZA № 1 na Vaładarcy, i za hety čas pravaabaroncy pryznali Lidziju palitźniavolenaj.
Sudzili jaje pa art. 342 Kryminalnaha kodeksa («Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich»). Padstavaj dla hetaha staŭ udzieł dziaŭčyny ŭ mirnym maršy 16 žniŭnia 2020 hoda.
U siužecie BT dziaŭčyna fihuruje ŭ kadrach nibyta kastynhu da konkursa 1998 hoda, ale heta vidavočnaja pamyłka — joj u toj čas było ŭsiaho 5 hadoŭ. Da hetaha hoda štučna pryviazali kadry ź inšaha kastynhu.
Ciapier Lidzija Novik, jak paznačana na sajcie pravaabarončaha centra «Viasna», znachodzicca ŭ vymušanaj emihracyi.
«Ale va ŭsim hetym jość ironija losu: navat prapahanda nie moža schavać, chto sapraŭdnyja pryhažuni Biełarusi. Heta žančyny, jakija prajšli praz kamiery, dopyty, sudy i katavańni — i zastalisia hordymi i pryhožymi», — piša aŭtar telehram-kanała «Rozovyje kosynki».
«Mis Biełaruś» usio bolš nahadvaje konkurs pryhažości ŭ haremie
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki
Maryna Mientusava raskazała, što biudžet jaje siamji składaje 6000 dalaraŭ na miesiac i što jaje partnior byŭ udzielnikam hrupavoha zhvałtavańnia
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja4
Kamientary