Jak piša rasijskaje vydańnie «Kommiersant'», u studzieni-lipieni 2025 hoda prodažy biełaruskich pienistych vinaŭ u rasijskich kramach pavialičylisia ŭ 14 razoŭ u paraŭnańni z raniejšymi pakazčykami i dasiahnuli 29 tysiač dekalitraŭ. Biełaruś navat trapiła ŭ top-10 pastaŭščykoŭ pienistych vinaŭ u Rasii.
Hałoŭnaja pryčyna — sankcyi Jeŭrasajuza i abmiežavańni na impart jeŭrapiejskaha vina, uviedzienyja Kramlom. U vyniku rasijskija spažyŭcy pačali bolš aktyŭna kuplać pradukcyju z krain, jakija raniej nie byli papularnyja na miascovym rynku.
Tak, prodažy čylijskaha pienistaha vina vyraśli na 214,9% (da 24,6 tysiač dał), pastaŭki z Paŭdniova-Afrykanskaj Respubliki — na 126,8% (da 11,7 tysiač dał). Vino z Małdovy pakazała rost na 251,6% (8,8 tysiač dał). Asabliva chutka pačali raści prodažy vinaŭ z Brazilii (u sotni razoŭ, da 4,5 tysiač dał) i Sierbii (da 1,5 tysiač dał).
Cikava, što ŭ Rasii stali bolš kuplać navat indyjskaje pienistaje vino — jaho prodažy pavialičylisia ŭ 11 razoŭ i skłali kala 0,8 tysiač dał.
Jak adznačyŭ vice-prezident kampanii Simple Group Anatol Karniejeŭ, usie hetyja krainy abjadnoŭvaje adno: ich viny pradajucca pa nizkich cenach. Pry hetym, niahledziačy na dziaržaŭnuju palityku padtrymki rasijskaha vinarobstva, bujnyja handlovyja sietki ŭsio adno praciahvajuć šukać alternatyŭnyja tavary za miažoj.
Na fonie razvah pra šmurdziak Rasija dazvoliła impartavać vino jašče adnaho biełaruskaha zavoda
Minski zavod vinaŭ adkazaŭ Rasii na «šmurdziak» — pastaŭki vina ŭ RF spyniajucca
Ci praŭda, što vino biełaruskaha raźlivu — šmurdziak? «Dy što vy!» — kaža enołah
Biełaruskija viny ŭ Rasii chočuć markiravać nalepkami «heta nie vino»
Śpiecpradstaŭnik Pucina nazvaŭ biełaruskaje vino šmurdziakom i aburyŭsia jaho pastaŭkami ŭ Rasiju
U Biełarusi vyvieli pieršy ŭłasny sort vinahradu dla suchoha vina
Pastaŭki pienistych vinaŭ ź Biełarusi ŭ Rasiju vyraśli ŭ 21 raz
Kamientary