Biełaruskija viny ŭ Rasii chočuć markiravać nalepkami «heta nie vino»
Jakoj pradukcyi heta moža tyčycca?
Vykanaŭčy dyrektar Asacyjacyi vinahradaraŭ i vinarobaŭ Rasii (AVVR) Alaksiej Płotnikaŭ zaklikaŭ markiravać vino Minskaha zavoda vinahradnych vinaŭ (MZVV) adznakami z nadpisam «Nie javlajetsia vinom» («Heta nie vino).
Heta pavinna tyčycca vinaŭ vytvorčaści krain, jakija nie ŭvachodziać u JEAES, jakija na zavodzie ŭ Minsku prosta raźlivajucca pa plaškach, piša RBK.
«Kali heta vino vyrablena na terytoryi Mytnaha sajuza (skažam, u Rasii ci Armienii), a ŭ Biełarusi tolki butylujecca, my vitajem pašyreńnie ekanamičnaha ŭzajemadziejańnia našych krain.
Kali ž na MZPV raźlivajuć vino, impartavanaje z krain, jakija nie ŭvachodziać u JEAES, to takija pastaŭki padryvajuć jak minimum dziaržaŭnuju palityku Rasii ŭ halinie vinahradarstva i vinarobstva i takaja pradukcyja stroha pavinna markiravacca na našych palicach znakam «nie źjaŭlajecca vinom», — zajaviŭ Płotnikaŭ.
Pavodle jaho słoŭ, rasijskija ŭłady pavinny raspracoŭvać stratehiju padtrymki miascovych vinarobaŭ, a nie zaachvočvać reekspart.
Niekalkim rasijskim kampanijam raniej dazvolili impartavać vino vytvorčaści MZPV z nazvami, jakija vielmi padobnyja na jeŭrapiejskija.
Śpiecpradstaŭnik Pucina Barys Citoŭ nazvaŭ takija biełaruskija viny «šmurdziakom».
Kamientary
Ł - łohika