Na Cnianskim vadaschoviščy znajšli kraba, jaki ŭ pryrodzie žyvie ŭ vodach Zachodniaj Afryki
Niezvyčajnaha «adpačyvalnika» zaŭvažyli na plažy Cnianskaha vadaschovišča ŭ Minsku. Fota i videa apublikavaŭ akaŭnt nedvizhka_minsk, piša Blizko.by.
Pa piasku kala vadajoma švendaŭsia sapraŭdny krab.
Bolš za toje, heta byŭ viasiołkavy krab, jaki ŭ dzikaj pryrodzie sustrakajecca na ŭźbiarežžy Zachodniaj Afryki — uzdoŭž Atłantyčnaha akijana ad Sieniehała da Anhoły. U naturalnym asiarodździ hetyja paŭnaziemnyja rakapadobnyja žyvuć u manhravych zaraśnikach i na prybiarežnych učastkach, dzie vykopvajuć hłybokija (da 1—2 mietraŭ) nory ŭ vilhotnym hruncie.
U kamientaryjach da dopisu karystalniki spraviadliva zaŭvažyli, što, chutčej za ŭsio, krab byŭ nabyty ŭ zaamahazinie, ale haspadar nie zdoleŭ zabiaśpiečyć jamu naležnyja ŭmovy ŭtrymańnia i prosta vypuściŭ jaho ŭ vadajom.
Varta adznačyć, što ŭ presnaj vadzie taki krab moža žyć tolki pry ŭmovie, što jaje žorstkaść składaje kala 179 milihramaŭ solaŭ na litr vady. U Cnianskim vadaschoviščy hety pakazčyk składaje ŭsiaho 3—4 milihramy solaŭ na litr, što moža być niebiaśpiečnym dla žyćcia rakapadobnaha.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała22
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary