Ekanomika1212

Ci praŭda, što vino biełaruskaha raźlivu — šmurdziak? «Dy što vy!» — kaža enołah

Jakija viny biełaruskaha raźlivu najlepšyja? I ci sapraŭdy heta šmurdziak? Spytali ŭ ekśpierta-enołaha.

Vinahradnyja viny biełaruskaha raźlivu zajmajuć nišu ŭ nižniaj cenavaj katehoryi. Ilustracyjnaje fota: Naša Niva

U Rasii prapanujuć stavić na vinie biełaruskaha raźlivu blamby «Heta nie vino». A biznes-łabist Barys Citoŭ nazvaŭ jaho «šmurdziakom». My zapytali ŭ biełarusa-enołaha — ekśpierta pa vinach, jaki ciapier pracuje za miažoj, jak by jon acaniŭ jakaść vinahradnych vinaŭ biełaruskaha raźlivu? Heta sapraŭdy «nie vino» ci heta prosta «vielmi ardynarnaje vino»?

«Chutčej heta vielmi zvyčajnaje vino, jak praviła, zroblenaje z samaha tannaha vinamateryjału,— patłumačyŭ enołah. — U suśvietnaj vinnaj praktycy pieravozka vina ŭ cysternach i raźliŭ na miescy prodažu — nie redkaść. Šmat vinaŭ z Novaha Śvietu raźlivajuć u butelki ŭ Brytanii, Hiermanii i Francyi. Novaziełandski «Savińjon Błan», pieraviezieny praz akijan u vielizarnym marskim kantejniery i raźlity niedzie kala Hamburha — daŭnym-daŭno norma», — kaža śpiecyjalist.

Ničoha ŭ vinie nie «łamajecca», nie «parušajecca» pry pieravozcy ŭ cysternach na daloki zavod dla raźlivu, tłumačyć śpiecyjalist.

Adnak pytańnie ŭ tym, jaki vinamateryjał zakuplajuć i ci vytrymlivajucca technałohii pry jaho raźlivie.

@nashaniva Vino biełaruskaha raźlivu — šmurdziak? Raźbirajemsia! #našaniva #politika #minsksiejčas #biełaruśnovosti #novostibiełarusi #biełaruś ♬ Comedy Scenes - Comical, stupid, odd, lovely (Drumless)(1441321) - Ponetto

«Biełaruskija vytvorcy nie parušajuć technałohii, a moža i bolš pra jaje dbajuć, čym niekatoryja vytvorcy z Zachodniaj Jeŭropy,— upeŭnieny ekśpiert.— Usio zaležyć ad taho, što lić. A lić mohuć usio», — dadaje jon.

«Rasijanie takim čynam abaraniajuć ciapier svoj rynak i svaje schiemy. Jany raniej sami lili taki bałk i nie parylisia. A ciapier u ich zabaranili impartavać vinamateryjał z «varožych krain», z Francyi, ź Ispanii tanny materyjał. A biełaruskija vytvorcy praciahvajuć heta rabić. Voś na ich i apałčylisia». 

Na dumku ekśpierta, biełaruskija vytvorcy darma kuplajuć tanny vinamateryjał i «nie vierać u siabie, nie vierać, što mohuć zrabić pryhoža dy pradać potym daražej».

Jakija ź vinaŭ biełaruskaha raźlivu enołah moža vyłučyć, parekamiendavać, acharaktaryzavać?

«Nie viedaju. Ja ich nie kaštuju», — raźvioŭ rukami ekśpiert.

Kamientary12

  • Hy
    09.07.2024
    Chaj bajaru chłyščuć - heta ich napoj)
  • Nie šmurdiak
    09.07.2024
    Da vy šo, eto vied́ čaniła
  • Ekołoh ili piz ....
    09.07.2024
    Da vy na probki posmotritie, eto vied́ połnyj otstoj.

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

U jakija krainy dla biełarusaŭ najbolš darahija turystyčnyja vizy? Lidar niečakany2

Indyjskija daktary padčas padrychtoŭki pacyjentki da apieracyi vyjavili novuju hrupu kryvi

U Japonii paśla ziemlatrusu na bierah vykinuła niekalkich kitoŭ VIDEA1

Na Kamsamolskim voziery ŭ Minsku kancentracyja naftapraduktaŭ bolšaja za dapuščalnuju ŭ 4,2 raza3

Ci možna pravasłaŭnamu dasyłać dykpiki? «Kali jana sama prosić»11

Na sklapieńniach chrama ŭ Muravancy źjavilisia raskoliny5

Tramp nakłaŭ 25% pošliny na Indyju4

Čamadanava raskazała, što kateharyčna nielha abmiarkoŭvać na kuchniach29

«Bolš hladzicie biełaruskaje telebačańnie». Čynoŭnik ź Miniusta adkazaŭ na zakłapočanaść umovami ŭtrymańnia palitviaźniaŭ8

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić