U biełaruskim tyktoku virusna razyšłosia videa pra «kidok kobry». Adzin z karystalnikaŭ, jaki viadzie akaŭnt pra pryrodu Biełarusi, apublikavaŭ rolik ź nievialikaj źmiejkaj. Na zapisie jana rezka ruchałasia ŭsim ciełam, nibyta sprabavała napałochać abo atakavać, piša «Smartpres».
Aŭtar padpisaŭ videa žartam: «Vuž bykuje (kidok kobry). Baiciesia źmiej?». Za karotki čas rolik nabraŭ bolš za 182 tysiačy prahladaŭ.
U kamientarach razharełasia dyskusija pra toje, jakaja heta źmiaja. Niekatoryja śćviardžali, što heta hadziuka, bo ŭ jaje «biełyja vuški», u toj čas jak u vuža jany zvyčajna žoŭtyja. Inšyja sumniavalisia i ličyli, što heta moža być navat niejkaja ekzatyčnaja źmiaja, jakaja źbiehła z chatniaha ŭtrymańnia, bo ni vužy, ni hadziuki nibyta tak siabie nie pavodziać.
Byli i mierkavańni, što vužy nie stanoviacca ŭ stojku, jak heta pakazana na videa, i padobnaje pavodziny bolš charakternaje dla jadavitych vidaŭ. Niekatoryja kamientatary navat žartavali, što heta «sumieś vuža i hadziuki».
Znajšlisia i tyja, chto daŭ bolš padrabiaznaje tłumačeńnie: plamki ŭ vuža mohuć być roznaha koleru — ad biełaha da jarka-aranžavaha, i jany mohuć źlivacca ŭ adnu vialikuju plamu. U hadziuki ž kala 30 roznych varyjacyj afarboŭki, ale ŭ jaje inšaja forma hałavy i zusim inšaja zrenka, čym u vuža.
Mnohija hledačy pryznavalisia, što rolik vyklikaŭ u ich strach. «Kaniešnie, strašna. Ja b kryčała na ŭsiu vulicu», — napisała adna z kamientatarak.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary