U Rečycy raspačynajecca čarhovy sud nad Palinaj Šarendaj-Panasiuk
14 kastryčnika ŭ sudzie Rečyckaha rajona raspačynajecca sud nad palitźniavolenaj pavodle art. 411 KK (złosnaje niepadparadkavańnie patrabavańniam administracyi kałonii). Spravu budzie razhladać sudździa Stanisłaŭ Ivaniucienka, jaki letaś užo dadaŭ žančynie hod źniavoleńnia, piša «Viasna».
Nahadajem, Palina była zatrymana 3 studzienia 2021 i z taho času ŭvieś čas znachodzicca ŭ niavoli. Dva razy joj užo praciahvali termin pa art. 411 KK. Na voli žančynu čakaje dvoje synoŭ — Słavamir i Stach.
U lipieni svajaki Paliny daviedalisia, što ŭ žančyny dyjahnastavali «chraničny pankreatyt siaredniaj ciažkaści». Niadaŭna muž napisaŭ pra rezkaje paharšeńnie stanu zdaroŭja Paliny.
Pavodle Andreja Šarendy Palinu na čas suda pieraviali ŭ rečycki IČU:
«…Tam nie vydajuć matracaŭ i paścielnaj bializny, zahadvajuć kłaścisia spać na mietaličnych płaścinach, a ŭ Paliny balić śpina i tamu jana musić načavać na padłozie…
…Viadoma ahulnaje — što ŭ jaje ŭvieś čas balić straŭnik i śpina, ale bolš ničoha nie viedajem».
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu14
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary