Chacia data ŭvachodžańnia ŭ jeŭrazonu Bałharyi zastajecca pad pytańniem, kraina raspracavała svoj dyzajn maniet.
Kali dakładna Bałharyja ŭvojdzie ŭ jeŭrazonu, pakul nieviadoma. Pierachod pieršapačatkova płanavaŭsia na 1 studzienia 2024 hoda, ale byŭ pieraniesieny na hod z-za vysokaj inflacyi. 26 lipienia 2024-ha parłamient krainy pryniaŭ rašeńnie, jakoje abaviazała ŭrad paskoryć praces uviadzieńnia adzinaj jeŭrapiejskaj valuty.
Zhodna z pryniatym aktam, Bałharyja pasprabuje ŭvajści ŭ jeŭrazonu 1 lipienia 2025 hoda. Kali heta adbudziecca, to jana stanie pieršaj krainaj, jakaja piarojdzie na jeŭra ŭ siaredzinie hoda, a nie na pačatku.
Jašče zimoju hetaha hoda Nacyjanalny bank Bałharyi zaćvierdziŭ dyzajn nacyjanalnaha boku vaśmi maniet — 1 i 2 jeŭra, a taksama 1, 2, 5, 10, 20 i 50 jeŭracentaŭ.
Jak viadoma, u jeŭramaniet jość ahulny bok i nacyjanalny bok. Na nacyjanalnym abaviazkova adlustroŭvajecca koła z 12 zorak, što adpaviadaje ich kolkaści na ściahu ES.
Kancepcyja novych maniet u cełym paŭtaraje dyzajn bałharskich levaŭ i stocinak, jakija znachodziacca ŭ zvarocie siońnia. Na aviersach usich jeŭracentaŭ budzie raźmieščany Madarski vieršnik, jaki paražaje lva. Nad vieršnikam na kirylicy budzie nadpis «B'ŁHARIJA», a pad ilvom — «STOTINKI». Sprava budzie paznačany hod vypusku.
Na bałharskich jeŭramanietach naminałam 1 jeŭra budzie źmieščany partret adnaho z najbolš ušanavanych śviatych Bałharskaj pravasłaŭnaj carkvy — prapadobnaha Iaana Rylskaha (kala 876 — 946).
Na aviersie 2 jeŭra — partret ijeramanacha Paisija Chilendarskaha (1722—1773), aŭtara «Słaviana-bałharskaj historyi pra narodaŭ i caroŭ bałharskich», jakaja ŭtrymlivała zakliki da abudžeńnia nacyjanalnaj samaśviadomaści i kulturnaha adradžeńnia krainy.
Jašče viasnoj płanavałasia zrabić da 1 miljona jeŭra-maniet z nacyjanalnym bokam Bałharyi dla pravierki jakaści maniet i siertyfikacyi Bałharskaha manietnaha dvara.
Paśla taho jak Jeŭrapiejski saviet uchvalić dałučeńnie Bałharyi da jeŭrazony i budzie zavieršana siertyfikacyja Bałharskaha manietnaha dvara, pačniecca rehularnaja vytvorčaść jeŭramaniet z nacyjanalnymi simvałami dla zadavalnieńnia popytu ŭ krainie, kali jeŭra stanie aficyjnym płaciožnym srodkam.
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij28
Kamientary