«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ
U noč na sieradu Kryvy Roh staŭ abjektam adnaho z najmahutniejšych udaraŭ z boku Rasii.
«Takoha jašče nie było. Balistyčnaja rakieta i 28 šachiedaŭ adnačasova. Dziakuj Bohu — biez strat, piersanał znachodziŭsia ŭ schoviščach. Ale, na žal, paciarpieŭ chłopiec 17 hadoŭ. Ciažki, ciapier lekary zmahajucca za jaho žyćcio», — napisaŭ staršynia rady abarony Kryvoha roha Alaksandr Viłkuł.
U vyniku ataki całkam razburana pramysłovaje pradpryjemstva.
Pa słovach Viłkuła, u horadzie było zafiksavana kala 20 pramych traplańniaŭ, jašče 15 dronaŭ byli zaŭvažany ŭ pavietry padčas ataki. U vyniku masiravanaha nalotu adbylisia bujnyja adklučeńni elektraenierhii, sistema vodazabieśpiačeńnia była pieraviedziena na pracu ad hienierataraŭ. Ciapier idzie adnaŭleńnie padačy elektryčnaści ŭ asobnych rajonach.
Akramia Kryvoha Roha, udary byli naniesieny pa Charkavie, dzie, pavodle słoŭ mera Ihara Cierachava, prahučali vybuchi i ŭspychnuŭ pažar na adnym z pradpryjemstvaŭ.
Nočču atakam taksama padvierhłasia Vińnica. Pavodle paviedamleńniaŭ z ukrainskich manitorynhavych kanałaŭ, na horad prylacieli bolš za 20 bieśpiłotnikaŭ. Niekatoryja telehram-kanały paviedamlajuć pra mocny pažar u horadzie, ale padrabiaznaści adsutničajuć.
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary