Ruch «Chiezbała» zajaviŭ pra pieršyja z pačatku izrailskaj vajennaj apieracyi ŭ Livanie bojesutyknieńni ź izrailskimi vajskoŭcami. CACHAŁ razhortvaje ŭ Paŭdniovym Livanie druhuju dyviziju.
Armija abarony Izraila (CACHAŁ) u sieradu zajaviła ab «žorstkich bajach» u Paŭdniovym Livanie i zaklikała žycharoŭ rehijonu nie naviedvać rajony na poŭdzień ad raki Litani. Niezadoŭha da hetaha ruch «Chiezbała» paviedamiŭ ab pieršym z pačatku izrailskaj vajennaj apieracyi ŭ Livanie bojesutyknieńni ź izrailskimi vajskoŭcami kala nasielenaha punkta Adajsie na poŭdni krainy, piša Deutsche Welle.
U «Chiezbale» śćviardžajuć, što bajeviki ruchu nanieśli izrailcianam straty i prymusili ich adstupić. Akramia taho, jany zajavili ab naniasieńni rakietna-artyleryjskaha ŭdaru pa bujnym skapleńni izrailskich vojskaŭ u rajonie nasielenaha punkta Mishaŭ-Am na poŭnačy Izraila, i ab rakietnych udarach pa pazicyjach CACHAŁ u troch inšych miescach.
Pa danych izrailskaha kamandavańnia, ranicaj u sieradu ź Livana pa Izraili zapuścili 50 reaktyŭnych snaradaŭ. U nasielenym punkcie Mietuła, asnoŭnuju častku žycharoŭ jakoha evakujavali, paškodžanyja 10 damoŭ.
CACHAŁ razhortvaje druhuju dyviziju ŭ Livanie
Tym časam izrailcianie razharnuli na poŭdni Livana druhuju dyviziju dla naziemnych apieracyj suprać «Chiezbały». 36-ja dyvizija pierasiekła miažu ŭśled za 98-j dyvizijaj, jakaja ŭvajšła ŭ Livan u noč na aŭtorak.
Izrailskija vajskoŭcy zaklikali evakujavacca cyvilnych asobaŭ z dvuch dziasiatkaŭ viosak na poŭdni Livana. U zajavie CACHAŁ padkreślivajecca, što luby budynak, jaki vykarystoŭvajecca «Chiezbałoj» dla vajennych patreb, źjaŭlajecca cellu. Napiaredadni takoje pradpisańnie atrymali žychary jašče 28 livanskich viosak.
-
Papularny małady ministr abarony Ukrainy idzie ŭ adstaŭku. U jaho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary