Chalezin zhadaŭ, jak Łukašenka napiaredadni refierendumu 1996 hoda sprabavaŭ kupić žurnalistaŭ
«Tam byŭ nakryty stoł, jak byccam heta abrus-samabor, i łaźnia pracavała, i ałkaholu — zalisia. Nas pačali kuplać».
U efiry «Radyjo Svaboda» art-dyrektar Biełaruskaha Svabodnaha teatra, a ŭ minułym adzin sa stvaralnikaŭ haziety «Imia» Mikałaj Chalezin zhadaŭ, jak Łukašenka sprabavaŭ kupić žurnalistaŭ.
Pa jaho słovach, u adzin ź dzion napiaredadni refierendumu 1996 hoda dziesiać žurnalistaŭ zaprasili na daču Saŭmina, što znachodziłasia ŭ Ściapiancy. Za arhanizacyju pryjomu adkazvaŭ deputat Uładzimir Kanaploŭ, jaki adnačasova zajmaŭ pasadu hałoŭnaha pamočnika Łukašenki.
Akramia jaho Chalezin zhadvaje proźviščy tahačasnaha namieśnika staršyni Viarchoŭnaha Savieta Juryja Małumava, kiraŭnika sakrataryjata prezidenta Urała Łatypava i hałoŭnaha redaktara «Savieckaj Biełarusi» Paŭła Jakuboviča. Usiaho z boku pradstaŭnikoŭ ułady taksama było kala dziesiaci čałaviek.
«Tam byŭ nakryty stoł, jak byccam heta abrus-samabor, i łaźnia pracavała, i ałkaholu — zalisia. Nas pačali kuplać».
Chalezin zhadvaje, jak Łatypaŭ u čas hetaj sustrečy jamu paviedamiŭ, što płanujecca praviadzieńnie refierendumu. «Nichto jašče hetaha nie viedaŭ. Ja ŭ jaho spytaŭsia. Jon pramaŭčaŭ, bo viedaŭ, što ŭsiudy stajać «žučki». Potam kranuŭ mianie i kiŭnuŭ hałavoju».
Pa słovach Chalezina, niekatoryja z prysutnych pahadzilisia na prapanovu pradstaŭnikoŭ atačeńnia Łukašenki. A asobnyja naładzili i bolš blizkija adnosiny:
«Adna z žurnalistak adrazu zaviała raman z adnym z deputataŭ, jaki tam byŭ. Jana była z RIA «Novosti». I materyjały adrazu stali inšyja. Zakazucha takaja pajšła».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary