U MARH raskazali, ci buduć uvodzić padatak na čajavyja aficyjantam
U Biełarusi abmiarkoŭvajecca pytańnie ab uviadzieńni padatku na čajavyja. Pra heta raskazała namieśnica ministra antymanapolnaha rehulavańnia i handlu Nina Jemialjanava ŭ efiry telekanała «Biełaruś 1».
Pavodle słoŭ čynoŭnicy, kala hoda tamu ŭ Ministerstvie ekanomiki na pahadžalnaj naradzie z udziełam Ministerstva padatkaŭ i zboraŭ, MARH i inšych viedamstvaŭ razhladałasia pytańnie ab zamacavańni ŭ zakanadaŭstvie paniaćcia čajavych.
Pry hetym niekatoryja dziaržorhany prapanujuć uličvać hetyja sumy ŭ zarobku aficyjanta i, takim čynam, adličvać ź ich padachodny padatak. Praŭda, nibyta zhodnyja prymianiać tut ilhotnuju staŭku.
Nina Jemialjanava, adnak, padkreśliła, što kančatkovaha rašeńnia pa hetym zakonaprajekcie pakul niama.
Staršynia naziralnaj rady Asacyjacyi restarataraŭ Biełarusi Jaŭhien Vasiljeŭ, kamientujučy hetaje pytańnie, padkreśliŭ, što čajavyja — sprava dobraachvotnaja. Heta acenka pracy, padziaka za absłuhoŭvańnie.
«Viadoma, kali brać vopyt susiednich dziaržaŭ, to ŭ ich čajavyja ŭžo pa zmoŭčańni ŭklučanyja ŭ rachunak. U Biełarusi, napeŭna, jość niejki tradycyjna zamacavany pracent čajavych u pamiery 10%. Ale važna adznačyć, što vy majecie prava samastojna acanić pracu aficyjanta», — skazaŭ jon.
Na dumku restaratara, pry lehalizacyi čajavych i ŭličvańni ich u zarobak treba budzie płacić nie tolki padachodny padatak, ale taksama ŭnioski ŭ FSAN i h. d.
U toj ža čas jon ličyć, što čajavyja padychodziać i pad takoje paniaćcie ŭ zakanadaŭstvie, jak dareńnie.
Padatkovaja pakłała voka na čajavyja, jakija klijenty pakidajuć u kaviarniach
Papularnaja minskaja kaviarnia zabaraniła naviednikam prychodzić z noŭtbukami
«Siedziačy ŭ paryžskich kaviarniach, ja časta ŭspaminaju minskich barysta». Biełarusy raskazali, čym naša hramadskaje charčavańnie nie padobnaje da jeŭrapiejskaha
Kamientary