NATA nie była prainfarmavanaja zahadzia ab płanach Ukrainy pravieści nastup na Kurskuju vobłaść, zajaviŭ hienieralny sakratar aljansu, piša Deutsche Welle.
NATA ličyć apraŭdanaj vajennuju apieracyju Ukrainy ŭ Kurskaj vobłaści RF. Heta vynikaje z zajaŭ Hienieralnaha sakratara Paŭnočnaatłantyčnaha aljansu Jensa Stołtenbierha ŭ intervju haziecie Welt am Sonntag.
«Voś užo bolš za 900 dzion Rasija viadzie nieapraŭdanuju, ahresiŭnuju vajnu suprać Ukrainy i ŭžo ździejśniła šmatlikija ataki na Ukrainu praź miažu, z terytoryi Kurskaj vobłaści. Pavodle mižnarodnaha prava, rasijskija sałdaty, tanki i vajskovyja bazy źjaŭlajucca zakonnymi celami», — zajaviŭ eks-premjer-ministr Narviehii.
Jon padkreśliŭ, što va Ukrainy jość prava abaraniacca. «I, pavodle mižnarodnaha prava, heta prava nie spyniaje dziejańnia na miažy (Ukrainy z Rasijaj)»,— dadaŭ Stołtenbierh.
Jon taksama nahadaŭ pra zajavu prezidenta Ukrainy Uładzimira Zialenskaha ab tym, što apieracyja pad Kurskam patrebnaja jahonaj krainie, kab stvaryć bufiernuju zonu i zaścierahčy siabie ad budučych transhraničnych napadaŭ Rasiei.
Pry hetym Jens Stołtenbierh pryznaŭ, što nastup USU pad Kurskam źviazany z ryzykaj, jak i ŭsie inšyja vajennyja apieracyi. «Ale vyrašać, jak abaraniać siabie, pavinna sama Ukraina», — reziumavaŭ jon.
Jon abvierh śćviardžeńni Kramla ab tym, što NATO była ŭ kursie nastupu Ukrainy na terytoryi RF, jaki rychtujecca. «Ukraina nie abmiarkoŭvała zahadzia z NATA svaje płany pa nastupu ŭ Kurskaj vobłaści, — zapeŭniŭ jon. — Z hetaha punktu hledžańnia NATO nie adyhryvała ŭ im nijakaj roli».
Z 6 žniŭnia USU viaduć nastupalnuju apieracyju ŭ Kurskaj vobłaści RF. Pavodle źviestak hałoŭnakamandujučaha ŭkrainskaj armijaj Alaksandra Syrskaha, na hety momant pad kantrolem Ukrainy znachodziacca 1300 kvadratnych kiłamietraŭ terytoryi RF.
Miarkujučy z usiaho, padčas nastupu ŭ Kurskaj vobłaści była zadziejničanaja i Zachodniaja zbroja. U pryvatnaści, havorka idzie pra niamieckija BMP Marder, tanki Challenger ź Vialikabrytanii, a taksama amierykanskuju sistemu załpavaha ahniu HIMARS.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES27
Kamientary