Samit NATA pakazaŭ adsutnaść mocnaha lidara nakštałt Čerčyla — Bild
Taho, chto pabačyŭ by ŭ Pucinie pahrozu raniej za 24 lutaha 2022 hoda. Taho, chto sapraŭdy vynies uroki z historyi, dla kaho historyja nie pusty huk.
Žurnalist Bild Filip Piataŭ analizuje samit NATA, jaki zaviaršyŭsia ŭ Vašynhtonie. Publikujem pierakład jaho kałonki:
U NATA ŭvachodziać 32 krainy. Dziasiatki tysiač tankaŭ i samalotaŭ. Miljony sałdat. Sotni miljardaŭ jeŭra vajskovaha biudžetu. Samamu mahutnamu abaronnamu aljansu śvietu nie chapaje tolki adnaho: sapraŭdnaha lidara.
Bo pry ŭsioj mocy NATA nie ŭdałosia praduchilić napad Rasii na jeŭrapiejskuju krainu. I dahetul NATA dazvalaje Pucinu bambavać ukrainskija dziciačyja balnicy. A abiacańnie abaraniać kožnuju calu terytoryi NATA?
Jaho nie paŭtarali b tak časta, kali b sapraŭdy byli ŭpeŭnienyja ŭ hetym. Brakuje palityka, zdolnaha vykanać zadaču stahodździa — abaranić naš volny śviet. Taho, chto pabačyŭ by ŭ Pucinie pahrozu raniej za 24 lutaha 2022 hoda. Taho, chto sapraŭdy vynies uroki z historyi, dla kaho historyja nie pusty huk.
Kahości nakštałt lehiendarnaha brytanskaha premjer-ministra Uinstana Čerčyla. Pierad abliččam nacysckaj pahrozy jon zrazumieŭ, što supakajeńnie i bajaźlivaść — šlach u prorvu. I byŭ hatovy ŭziać na siabie lidarstva.
Stomleny prezident ZŠA, nierašučy kancler Hiermanii, ehacentryčny prezident Francyi — jany nie takija. Moža, heta mužnaja premjer-ministarka Estonii Kaja Kałas?
Śvietu patrebien novy Uinstan Čerčyl. I terminova, jak nikoli, — piša Filip Piataŭ.
-
Frydman: Čamu amierykancy raptam pavinny pastavić svajoj metaj vyzvaleńnie palitźniavolenych u Biełarusi i jašče bolš — abmianiać ich na sankcyi?
-
Dubaviec: Siła Ofisa Cichanoŭskaj u tym, što jon — za ŭsich biełarusaŭ, u tym liku i tych, jakija praročać jamu «kancy»
-
Karpaŭ Cichanoŭskamu: Davajcie dla pačatku paznajomimsia, a paśla ŭžo pasvarymsia
Ciapier čytajuć
Maštabny zboj u troch biełaruskich bankach: z rachunkaŭ źnikajuć hrošy5
Kamientary