Stołtenbierh: Rasija nie zdatnaja na «značnyja praryvy» va Ukrainie
Hienieralny sakratar NATA Jens Stołtenbierh miarkuje, što rasijskija vojski nie zdolnyja na «značnyja praryvy» na poli boju va Ukrainie, u toj čas jak Kijeŭ udarami ŭhłyb terytoryi Rasii nanosić joj značnyja straty. Pra heta jon skazaŭ u intervju ahienctvu AFP.
Stołtenbierh adznačyŭ, što Rasija pačała čarhovy nastup va Ukrainie ciaham viasny-leta, «ale pakul tolki ź niaznačnymi pośpiechami».
«I ŭ nas niama nijakich inšych prykmiet abo pryčyn ličyć, što Rasija maje mahčymaści, siły dla značnych praryvaŭ», — dadaŭ jon.
Hienieralny sakratar aljansu, adnak, pieraściaroh, što Rasija, chutčej za ŭsio, «praciahnie prasoŭvacca pa linii frontu» i nanosić avijaŭdary pa Ukrainie.
«Ale my bačym, što ŭkraincy zmahli ŭtrymać liniju frontu. Jany zmahli i dalej nanosić ciažkija straty rasijskim akupantam — jak uzdoŭž linii frontu, tak i ŭdarami ŭhłyb rasijskaj terytoryi», — adznačyŭ Stołtenbierh.
U mai, jak viadoma, Rasija pačała novy nastup na poŭnačy Charkaŭskaj vobłaści, a taksama ŭzmacniła cisk na ŭschodzie Ukrainy, karystajučysia zatrymkami ŭ pastaŭkach USU zachodniaj zbroi.
Na Zachadzie adznačali, što rasijskija vojski majuć peŭnyja pośpiechi ŭ Danieckaj vobłaści, u pryvatnaści ŭ rajonie važnaha horada Časaŭ Jar, ale dazvoł ZŠA i inšych zachodnich krain nanosić udary pa rasijskaj terytoryi zatarmaziła prasoŭvańnie na Charkaŭščynie.
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy6
Kamientary
Rośsija budiet i dalšie zachvatyvať ukrainskije tierritorii, prievraŝaja horoda i sieła v vyžžiennuju ziemlu.
Nas eto ustraivajet poskolku Rośsija tožie stradajet ot vojny.
Ukraina nie pobiedit, no i Rośsija tožie nie dostihniet bolšich uśpiechov. Miasorubka budiet prodołžaťsia jeŝie dołho.