Maskva nie źviartałasia pa dapamohu da ADKB u suviazi z padziejami ŭ Kurskaj vobłaści
Maskva aficyjna nie źviartałasia pa dapamohu ŭ Arhanizacyju Damovy ab kalektyŭnaj biaśpiecy ŭ suviazi ź situacyjaj u Kurskaj vobłaści, havorycca ŭ adkazie Sakrataryjata ADKB na zapyt kazachskaj słužby «Radyjo Svaboda».
U adkazie ŭdakładnili, što Sakrataryjat ADKB i adpaviednyja rasiejskija dziaržaŭnyja struktury abmieńvajucca infarmacyjaj u pracoŭnym paradku, aficyjnych pieramovaŭ i sustreč dla abmierkavańnia situacyi ŭ prymiežnych abłaściach Rasiei nie było.
«Zhodna z praceduraj, pryniataj u ADKB, dziaržava-siabra abjadnańnia, u jakoj uźnikła nieabchodnaść u vajskovaj dapamozie, pavinna aficyjna źviarnucca ŭ Arhanizacyju. Takoha zvarotu z boku Rasiejskaj Fiederacyi ŭ suviazi ź situacyjaj u Kurskaj vobłaści da ciapierašniaha momantu nie było», — havorycca ŭ adkazie Sakrataryjata ADKB.
U im adznačajecca, što apytańnie ab vykarystańni kalektyŭnych sił vyrašajecca kansensusam. «Adnak heta nie aznačaje, što luby z sajuźnikaŭ nie moža ŭzajemadziejničać u ramkach dvuchbakovych adnosinaŭ». U adkazie arhanizacyi ŭvachodžańnie sił ukrainskaj armii ŭ Kurskuju vobłaść nazvanaje «novym etapam eskałacyi vajennaha kanfliktu ŭ zonie adkaznaści ADKB».
«Naša analityčnaja słužba pracuje ŭ kruhłasutkavym režymie. My ŭvažliva sočym za raźvićciom situacyi i budziem dziejničać stroha ŭ adpaviednaści sa Statutam Arhanizacyi», — havorycca ŭ adkazie Sakrataryjatu ADKB za podpisam hiensakratara ADKB (z 2023 hodu pasadu zajmaje Imanhali Tasmahambietaŭ, jaki pracavaŭ pasłom Kazachstana ŭ Rasiei ŭ 2017 — 2019 hadach).
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary
2) Kohda znaješ, čto 100% sojuźnikov pošlut na ..., eto jeŝie i biespolezno.