Масква не звярталася па дапамогу да АДКБ у сувязі з падзеямі ў Курскай вобласці
Масква афіцыйна не звярталася па дапамогу ў Арганізацыю Дамовы аб калектыўнай бяспецы ў сувязі з сітуацыяй у Курскай вобласці, гаворыцца ў адказе Сакратарыята АДКБ на запыт казахскай службы «Радыё Свабода».
У адказе ўдакладнілі, што Сакратарыят АДКБ і адпаведныя расейскія дзяржаўныя структуры абменьваюцца інфармацыяй у працоўным парадку, афіцыйных перамоваў і сустрэч для абмеркавання сітуацыі ў прымежных абласцях Расеі не было.
«Згодна з працэдурай, прынятай у АДКБ, дзяржава-сябра аб'яднання, у якой узнікла неабходнасць у вайсковай дапамозе, павінна афіцыйна звярнуцца ў Арганізацыю. Такога звароту з боку Расейскай Федэрацыі ў сувязі з сітуацыяй у Курскай вобласці да цяперашняга моманту не было», — гаворыцца ў адказе Сакратарыята АДКБ.
У ім адзначаецца, што апытанне аб выкарыстанні калектыўных сіл вырашаецца кансэнсусам. «Аднак гэта не азначае, што любы з саюзнікаў не можа ўзаемадзейнічаць у рамках двухбаковых адносінаў». У адказе арганізацыі ўваходжанне сіл украінскай арміі ў Курскую вобласць названае «новым этапам эскалацыі ваеннага канфлікту ў зоне адказнасці АДКБ».
«Наша аналітычная служба працуе ў кругласуткавым рэжыме. Мы ўважліва сочым за развіццём сітуацыі і будзем дзейнічаць строга ў адпаведнасці са Статутам Арганізацыі», — гаворыцца ў адказе Сакратарыяту АДКБ за подпісам генсакратара АДКБ (з 2023 году пасаду займае Імангалі Тасмагамбетаў, які працаваў паслом Казахстана ў Расеі ў 2017 — 2019 гадах).
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося19
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі88
Каментары
2) Когда знаешь, что 100% союзников пошлют на ..., это еще и бесполезно.