Litoŭskaha kantakta Ksienii Lebiedzievaj prosiać asudzić na 11 hadoŭ

Na pasiadžeńni suda 6 žniŭnia Danielus vystupiŭ z pramovaj. Prakuror prosić prysudzić jaho da 11 hadoŭ pazbaŭleńnia voli. Słuchańnie pa spravie prachodzić za začynienymi dźviaryma.

Danielus nie daŭ pakazańni ŭ Vilenskim akruhovym sudzie i prasiŭ abapiracca na pakazańni, dadzienyja padčas rasśledavańnia. Pavodle źviestak pravaachoŭnikaŭ, Danielus z pačatku 2022 h. źbiraŭ infarmacyju dla biełaruskich śpiecsłužbaŭ, u asnoŭnym — pra aktyvistaŭ, jakija žyvuć u Litvie, i pieradavaŭ jaje prapahandystcy Ksienii Lebiedzievaj.

Jon skazaŭ, što paznajomiŭsia ź Lebiedzievaj u Pałanzie. Pa danych prakuratury, Lebiedzieva instruktavała Danielusa, jaje bolš za ŭsio cikavili biełaruskija arhanizacyi ŭ Litvie, ludzi, jakija chavajucca ad režymu, sposaby ich prybyćcia ŭ Litvu, danyja ludziej, jakija arhanizavali ich ucioki, vučeńni pałka Kalinoŭskaha, uzbrajeńnie, łancuhi pastavak.

Užo viadoma, što Danielus uvajšoŭ u davier da biełaruskich arhanizacyj, prapanavaŭšy im jurydyčnuju dapamohu. Potym jon vyklikaŭ padazreńni svaimi pytańniami. U svajoj pramovie jon kazaŭ i pra biełaruskich apazicyjanieraŭ.

«Jany zahraźli ŭ zvadach, intryhach, złosna admaŭlajucca vyvučać litoŭskuju i prapahandujuć ideałohiju litvinizmu, biełaruskija apazicyjaniery byli nievierahodna adzinyja (…) kali treba było «vykryć» majo siabroŭstva ź Lebiedzievaj — bahiniaj žurnalistyki i televizijnaj dakumientalistki, jakaja nie raz blisnuła krytykaj na adras apazicyi ŭ svaich pieradačach», — skazaŭ Danielus u sudzie.

Abvinavačany skazaŭ, što pravaachoŭniki im zacikaviłasia nie paśla zvarotu ŭ palicyju dyrektara «Našaha doma» Volhi Karač i kiraŭnika «Dapamohi» Natalli Kalehavaj, a tady, kali ludzi, jakich jon nazyvaje «ahientami DDB», dali infarmacyju pra jaho.

U adnaho ź ich, pa słovach Danielusa jość svaje rachunki i ź imi i ź Lebiedzievaj. Danielus admaŭlaje zbor infarmacyi ab arhanizacyi «Bajpoł», pakolki jaje pradstaŭniki byli nie ŭ ładach z kiraŭnikom «Našaha doma» Karač.

Danielus skazaŭ, što jon nie byŭ vałancioram «Našaha doma» i «Dapamohi», pakolki pracavaŭ pa daviedcy ab indyvidualnaj dziejnaści i atrymlivaŭ hrošy pa vypisanych rachunkach-fakturach, adnak adzin raz Karač admoviłasia jamu płacić.

Tady adnosiny pamiž imi sapsavalisia. Jon nie admaŭlaŭ, što pieradavaŭ Lebiedzievaj infarmacyju pra ŭciekačoŭ ź Biełarusi — akcioraŭ i dziejačaŭ mastactva. Jon nazvaŭ svaje adnosiny ź Lebiedzievaj tvorčymi, jon źbiraŭ materyjały dla jaje pieradač i filmaŭ. Jon skazaŭ, što nie chavaŭ svaje kantakty ź joj.

«Prysud nie moža być zasnavany na sumniŭnych faktach i mahčymych abstavinach, inakš vysnovy atrymlivajucca sumniŭnymi», — skazaŭ Danielus. Jon skazaŭ, što nibyta prapanoŭvaŭ biełaruskim apazicyjanieram uziać udzieł u pieradačach Lebiedzievaj i navat viarnucca ŭ Biełaruś, Lebiedzieva abiacała zrabić usio, kab jany mahli biaśpiečna viarnucca — u vypadku z Karač — źmiakčyli b pryniaty zavočna prysud.

Danielus taksama nie ličyć dobraachvotny zbor infarmacyi špijanažam. Jon śćviardžaje, što nie vykonvaŭ zadačy, pastaŭlenyja pierad im biełaruskimi słužbami, nibyta takoha nie było, pakolki jon supracoŭničaŭ nie sa słužbami, a ź Lebiedzievaj. Jon śćviardžaje, što supracoŭnictva Lebiedzievaj sa śpiecsłužbami nie dakazana.

Danielus patrabuje apraŭdańnia. Jon taksama prosić infarmavać prakurora ab dačy iłžyvych pakazańniaŭ niekatorymi śviedkami.

Danielusa abvinavačvajuć nie tolki ŭ špijanažy, ale i ŭ sprobie paŭpłyvać na śviedku. Kali jaho adpuścili z-pad aryštu da suda, jon staŭ šukać śviedak, pisaŭ adnamu, «što vostryć siakieru».

U svajoj zaklučnaj pramovie jon kazaŭ, što nie pahražaŭ śviedku, a vykazaŭ niezadavolenaść pazicyjaj biełaruskich aktyvistaŭ. 

• 2
• 2
• 3
• 5
• 0
• 0
• 0
• 0