Prezident Arhienciny Milej zaklikaŭ armiju Vieniesueły abaranić demakratyju i volu naroda
Krainy śvietu pačali vykazvać svajo staŭleńnie da abvieščanych vynikaŭ vybaraŭ prezidenta Vieniesueły. Arhiencina, Pieru i Čyli nie pryznali pieramohu Madury.
Prezident Arhienciny Chaŭjer Milej nazvaŭ pieramožcam prezidenckich vybaraŭ apazicyjaniera Edmunda Hansalesa. Kiraŭnik MZS Pieru Chaŭjer Hansales-Ałaečea nazvaŭ hałasavańnie ŭ Vieniesuele «zamacham na narodnuju volu».
Ministr zamiežnych spraŭ Čyli Albierta van Kłavieren zajaviŭ, što čylijski ŭrad nie pryznaje pieramohu Nikałasa Madury, pakul svaje vysnovy nie ahučać mižnarodnyja naziralniki. Prezident Čyli Habryel Boryč taksama zaklikaŭ zabiaśpiečyć «poŭnuju prazrystaść pravierki pratakołaŭ».
Prezident Arhienciny Chaŭjer Milej admoviŭsia pryznać pieramohu Madury:
«Arhiencina nie źbirajecca pryznavać čarhovaje machlarstva i spadziajecca, što ŭzbrojenyja siły na hety raz buduć abaraniać demakratyju i volu naroda».
Dziaržsakratar ZŠA Entani Blinkien zajaviŭ, što ŭ ZŠA jość «surjoznyja aściarohi, što abvieščanyja vyniki nie adlustroŭvajuć volu abo hałasy vieniesuelskaha naroda».
Vieniesuelskaja apazicyja vykazała ŭpeŭnienaść, što vyniki hetych prezidenckich vybaraŭ, jak i minułych u 2018 hodzie, padtasavanyja.
Lidar apazicyi Maryja Mačada, jakoj ułady zabaranili bałatavacca, i jakuju zamianiŭ Edmunda Hansales, apublikavała ŭ tvitary zaklik da vojska.
Adnak armija zaŭsiody padtrymlivała Nikałasa Maduru, piša BBC.
Ułady Vieniesueły 29 lipienia abviaścili, što na niadzielnych prezidenckich vybarach pieramoh dziejny prezident Nikałas Madura. Za jaho, pavodle aficyjnych źviestak, prahałasavaŭ 51% vybarščykaŭ. Niezaležnyja apytańni davali 60% hałasoŭ jaho supierniku.
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary