Brakańjery ŭ Paŭdniovaj Afrycy atrymali da 50 hadoŭ za zabojstva nasarohaŭ
Sud paličyŭ, što pakarańnie suraźmiernaje złačynstvam.
Sud u PAR prysudziŭ traich brakańjeraŭ da šmathadovych terminaŭ za zabojstva biełych nasarohaŭ, paviedamlaje Rasijskaja słužba Radyjo Svaboda.
Daminik Maizi, Łvazi Małambie i Ajanda Nhamanie atrymali 50 hadoŭ, 33 hady i 21 hod pazbaŭleńnia voli adpaviedna.
Akramia niepasredna palavańnia na nasarohaŭ, im vystavili abvinavačvańni ŭ niezakonnym vałodańni zbrojaj, u zmovie z metaj złačynstva i kala dziasiatka inšych złačynstvaŭ.
Mnisi i Małambie zatrymali ŭ Nacyjanalnym parku Kruhiera ŭ studzieni 2017 hoda. Pry ich byli vintoŭka, patrony i čatyry śviežazrezanyja nasarohavy rohi. Niepadalok ad miesca ich zatrymańnia znajšli dvuch zastrelenych biełych nasarohaŭ. Abodvuch abvinavačanych adpuścili pad zakład na čas razboru.
U 2019 hodzie achoŭniki parku vyjavili jašče adnaho zabitaha nasaroha sa śpiłavanymi rahami. Brakańjeraŭ vysačyŭ sabaka-syščyk. Imi akazalisia Mnisi i jaho novy saŭdzielnik Nhamanie. U ich kanfiskavali vintoŭku, patrony, nož i dva rohi.
«Ja raskajvajusia i zrazumieŭ, što ździajśniać złačynstvy kiepskaa», — zajaviŭ na apošnim pasiadžeńni suda Mnisi. Jaho słovy paŭtaryli saŭdzielniki.
Sud paličyŭ, što ich słovy bolš padobnyja na škadavańnie, što ich złavili, čym na ščyraje raskajańnie, i adznačyŭ, što pakarańnie suraźmierna złačynstvam.
Kamientary