Uschodniaja častka Pinska dniom 24 lipienia apynułasia va ŭładzie navalničnaha frontu. Zaleva padtapiła darohi i dvarovyja terytoryi.
«Kala 12-j hadziny ŭschodniaja častka Pinska (nie ŭvieś horad) była achoplenaja navalničnym frontam. Doždž byŭ vielmi mocnym, doŭžyŭsia amal hadzinu. Była navalnica, paryvisty viecier. Intensiŭnaść daždžu była takaja, što darohi, dvarovyja terytoryi byli imhnienna padtoplenyja pa samy bort. U hety momant byli zabłakavanyja prajezdy. Kiroŭcy ruchalisia vielmi pavolna, kab nie paškodzić aŭtamabili»,
— apisaŭ situacyju pieršy namieśnik dyrektara KVUP «Žyllovaje ramontna-ekspłuatacyjnaje ŭpraŭleńnie horada Pinska» Valancin Asipčuk.
Paśla zakančeńnia zalevy vada pačała spadać. Kab jana syšła z prajeznaj častki, liŭnioŭkam spatrebiłasia kala 30-40 chvilin.
«Liŭnievyja sietki byli pierapoŭnienyja, tamu što ŭsio zdaryłasia imhnienna. Na hety momant darožnaje pakryćcio biez pavyšanaha ŭzroŭniu vady, liŭnievyja sietki pryniali. Sarvanaja vietram listota trapiła ŭ doždžapryjomniki. Ciapier słužby žyllovaha ramontna-ekspłuatacyjnaha ŭpraŭleńnia pracujuć u hetym kirunku: usio čyściać, adpampoŭvajuć i pryvodziać u naležny stan», — raskazaŭ Valancin Asipčuk.
Daždžy takoj intensiŭnaści, jak siońnia, pieryjadyčna zdarajucca ŭ Pinsku, prykładna 3-5 razoŭ na hod.
«Siońnia byŭ asabliva mocny doždž. Jon liŭ jak ź viadra. Ciaham amal hadziny nie mianiaŭ svajoj intensiŭnaści. Samaje cikavaje, što ŭ inšaj častcy horada naohuł daždžu nie było», — źviarnuŭ uvahu pieršy namieśnik dyrektara ŽREU.
Sinoptyki papiaredzili pra navalnicy i zalevy ŭ druhoj pałovie dnia
Jakoha nadvorja čakać biełarusam na nastupnym tydni
U Minsku ŭčora zatapiła sałon pryhažości. Jon całkam syšoŭ pad vadu VIDEA
«Vada pranikła ŭnutr, zapoŭniła sałon mnie pa pojas, ruki treślisia». Chto taja dziaŭčyna z zapaminalnaha fota minskaha patopu
Paśla kožnaj zalevy minskuju daždžavuju kanalizacyju dadatkova pračyščajuć — Minharvykankam
Kamientary