U apošni tydzień biełarusy pieražyli i śpioku, i zalevy, i bury. Što budzie na nastupnym tydni, u efiry prahramy «Mieteahid» raskazaŭ sinoptyk Dźmitryj Rabaŭ.
Na nastupnym tydni anamalnych tempieratur čakać nie varta, kaža Rabaŭ. U zaklučnaj dekadzie lipienia śpiakota źmienšyć abaroty, a tempieraturny fon vierniecca ŭ klimatyčnaje rečyšča — nočy buduć nie takimi dušnymi, spać stanie kamfortna, dy i dniom budzie nie tak horača.
Na praciahu ŭsiaho tydnia buduć naziracca vahańni atmaśfiernaha cisku — tamu nadvorje budzie niaŭstojlivaje, kožny dzień isnuje vierahodnaść karotkačasovych daždžoŭ, nie vyklučany navalnicy.
U pačatku tydnia na nadvorje paŭpłyvajuć małaaktyŭnyja atmaśfiernyja franty i vilhotnyja pavietranyja masy. Ruchajučysia na paŭnočny ŭschod, jany adznačacca ŭ paniadziełak u bolšaści rajonaŭ, a ŭ aŭtorak nočču pa ŭschodzie krainy mahčymy navalnicy. Vilhotnaść da 80 pracentaŭ. Nočču +12 … +17° C, dniom u paniadziełak +23 … +30°, u aŭtorak ad +23° pa ŭschodzie da +31° pa paŭdniovym zachadzie.
U siaredzinie tydnia za kiravańnie nadvorjem voźmucca čarhovy atmaśfierny front i vilhotnyja pavietranyja masy. U asnoŭnym pa zachodniaj pałovie projduć karotkačasovyja daždžy, miescami navalnicy. Tempieratura nočču ad +14 da +17°C, dniom +21…+26°C.
Papiarednie, u pačatku druhoj pałovy tydnia mieteaŭmovy stanie vyznačać čarhovy atmaśfierny front z zachadu Jeŭropy. Vobłačna z prajaśnieńniami, u bolšaści rajonaŭ karotkačasovyja daždžy, mahčymy navalnicy. Unačy +14…+19°C. Dniom u čaćvier +22…+28°C, u piatnicu +20…+26°C.
U vychadnyja dni — pieramiennaja vobłačnaść, biez łakalnych daždžoŭ i navalnic nie abydziecca. Unačy i ranicaj miescami tuman, bačnaść da paŭkiłamietra. Unačy +13…+18°C, u siaredzinie dnia ŭ subotu ad +16°C u Viciebsku da +26°C u Breście, u niadzielu +23…+28°C.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali1
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2525
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra25
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary