Sud Leninskaha rajona Mahilova 21 červienia prysudziŭ byłoha palitviaźnia Paŭła Biełahołava da realnaha pazbaŭleńnia voli z-za «paklopu ŭ dačynieńni da Łukašenki», piša Mayday.team.
Pavodle materyjałaŭ spravy, u listapadzie 2020 hoda Biełahołaŭ pakinuŭ pad adnym z rolikaŭ na jutubie niehatyŭny kamientar u bok Łukašenki.
Sudździa Taćciana Rachmanienka paličyła vinu Paŭła Biełahołava dakazanaj i prysudziła jaho da 3 hadoŭ i 4 miesiacaŭ kałonii va ŭmovach ahulnaha režymu. U hety termin uvajšoŭ taksama pieryjad» nieadbytaha pakarańnia» paśla papiaredniaha palityčnaha prysudu, vyniesienaha Paŭłu.
Pieršy raz 36-hadovaha mahiloŭca sudzili ŭ žniŭni 2022 hoda. Tady sud Drybinskaha rajona prysudziŭ jamu 2 hady i 6 miesiacaŭ pazbaŭleńnia voli za «abrazu pradstaŭnika ŭłady» (art. 369 KK RB) — tady jaho pryznali vinavatym u tym, što ŭ 2020 hodzie pakinuŭ niaŭchvalny kamientar u «VKontaktie» adnosna siłavika, a taksama ŭ tym, što ŭ 2021 hodzie jon niehatyŭna vykazaŭsia na adras zastrelenaha supracoŭnika KDB Dźmitryja Fiedasiuka (tak zvanaja «sprava Zielcera»).
Pakarańnie Biełahołaŭ adbyvaŭ u PK-1 Navapołacka, vyzvaliŭsia z kałonii jon u kastryčniku 2023 hoda. Ale ŭ lutym 2024 hoda mužčynu zatrymali paŭtorna.
U tym ža miesiacy nad im adbyŭsia sud pa administracyjnaj spravie pa art. 19.11 KaAP RB. Tady sudździa suda Leninskaha rajona Natalla Panasienka pryznała jaho nievinavatym u «raspaŭsiudzie ekstremisckich materyjałaŭ « (art.19.11 KaAP RB). Ale suprać jaho zaviali kryminalnuju spravu pavodle art. 367 Kryminalnaha kodeksa.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary