Zajava Džo Bajdena ab vychadzie z vybarčaj honki, apublikavanaja ŭ Ch (Tvitary), nabrała bolš za 327 miljonaŭ prahladaŭ i aktyŭna kamientujecca. Vybrali dla vas samyja papularnyja kamientary.
Najbolš stanoŭčych reakcyj (34 tysiačy łajkaŭ) sabraŭ kamientar, pakinuty aŭtaram pravaha i anty-ŁHBT akkaŭntu Libs of TikTok.
«Ź lohkim vietram. Vy ŭvojdziecie ŭ historyju jak adzin z najhoršych prezidentaŭ u historyi».
Na druhim miescy (24 tysiačy łajkaŭ) iraničny kamientar, jaki ŭtrymlivaje tolki adno słova —
Byeden.
Heta hulnia słovaŭ — spałučeńnie proźvišča Biden i słova «bye» (da pabačeńnia).
16 tysiač łajkaŭ nabraŭ kamientar
«Narešcie, bro»
aŭtara paradyjnaha akaŭntu Iłona Maska, jaki maje 1,4 miljona padpisčykaŭ.
Stolki ž łajkaŭ i ŭ kamientara, što pakinuła krajnie pravaja aktyvistka, prychilnica raznastajnych kanśpirałahičnych teoryj Łaura Łumier (Laura Loomer). Jaje ŭ Ch čytaje bolš za miljon čałaviek.
«Ciapier vy razumiejecie, čamu jany sprabavali zabić Donalda Trampa. Usio heta było spłanavana».
Viadomy palityčny kamientatar, pradprymalnik i influensier kansiervatyŭnych pohladaŭ Kolin Rah (Collin Rugg ), jaki maje bolš za 1,4 miljona padpisčykaŭ u tvitary, napisaŭ:
«Ničoha sabie, demakraty paśpiachova ździejśnili pieravarot. Bolš nikoli nie chaču čuć ad hetych błaznaŭ pra «demakratyju».
Hety kamientar nabraŭ 11 tysiač łajkaŭ.
Siarod najbolš upadabanych (10 tysiač łajkaŭ) — kamientar
«My majem Džo Bajdena, jaki adstupiŭ pierad GTA6».
Aŭtar maje na ŭvazie novuju hulniu, jakaja pavinna vyjści ŭ 2025 hodzie na płatformach PlayStation 5 i Xbox Series X|S. U hulni dva hałoŭnyja hieroi, jakija zajmajucca złačynnaj dziejnaściu.
8 tysiač stanoŭčych reakcyj nabraŭ kamientar
«Demakraty tolki što vykinuli 15 miljonaŭ hałasoŭ»
kansiervatyŭnaha palityčnaha strateha, i padkastera Džoi Menaryna (Joey Mannarino), jaki maje amal 487 čytačoŭ u tvitary.
Poŭny čornaha humaru kamientar muzyčnaha pradziusara Kiejli Mana (Kyle Mann)
«Bajden budzie spustošany, kali daviedajecca pra heta»
nabraŭ 7 tysiač łajkaŭ.
Siarod kamientaroŭ možna sustreć i słovy ŭdziačnaści Džo Bajdenu. Tak, pa 6 tysiač łajkaŭ nabrali zapisy:
«My lubim ciabie, Džo! Zakončy svoj termin i pryśviaci čas, što zastaŭsia, siamji i siabram, my praciahniem tvaju spravu! Mie pieramožam ad tvajho imia» i «Najlepšy prezident za apošnija dziesiacihodździ — dziakuj, što dapamahajecie vyratavać Ukrainu, i dziakuj, što robicie pravilnyja rečy!»
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary