Ciapier, kali pierśpiektyvy Biełarusi mnohim zdajucca bieznadziejnymi, vajna — biaskoncaj, a zaležnaść ad Rasii — tatalnaj, my zabyvajem, što ŭ 2020 hodzie Biełaruś była ad zdabyćcia demakratyi i niezaležnaści na adlehłaści vyciahnutaj ruki, piša Mikoła Buhaj. I vychad Bajdena z honki nahadaŭ nam, jak usio prosta moža zdarycca pry niekalkich prostych umovach.
Kali b u 2020 hodzie Łukašenka pryznaŭ paražeńnie i pavinšavaŭ pieramožcu, u Maskvy nie było b ani najmienšaj padstavy, kab umiašacca. I taki varyjant nie byŭ nierealnym — pazicyja dziaciej Łukašenki ŭ toj momant heta dakazvaje.
Maskva, viadoma, muciła b vadu paśla. Ale kankretna tady vymušanaja była b pryznać i pavinšavać.
I chto znaje, ci pačałasia b u 2022 hodzie samaja strašnaja ŭ Jeŭropie vajna, kali b u 2020-m Łukašenka pryznaŭ realnaść.
Maskva pracuje na raskoł hramadstvaŭ i ŭłazić tudy i tady, kali hetaha raskołu ŭdajecca dasiahnuć, jak dvojčy ŭ vypadku ź Janukovičam na Ukrainie. Ale ŭ 2020-m biełaruskaje hramadstva było ŭnikalna adnadušnym, što davała biełarusam — i Łukašenku — unikalny histaryčny šaniec.
Ale što ty zrobiš z hierastratam…
Łukašenkaŭcam chaciełasia, kab Bajden bałatavaŭsia. Jany smakavali i abmiarkoŭvali kožny jahony fejł z zaŭziataściu Hleba Siamionava i Vani Prusa. Svajo nie daj boh abmierkavać, zatoje amierykanskaje jany ŭžo absudzili dyk absudzili. Miž tym u Bajdena navat hałava nie tresłasia.
Što da Amieryki, to za kaho tam topić pucinskaja prapahanda? Tady nam usio jasna, što im vyhadna.
Ale što da Biełarusi, to dobraachvotnaja sastupka darohi Bajdenam jašče raz nahadvaje nam, jakija prostyja kroki i prostyja ŭmovy treba, kab Biełaruś taki zdabyła demakratyju i niezaležnaść, čaho biełarusy adnaznačna zasłuhoŭvajuć: 2020 hod i ŭsio, što było paśla, toje dakazali.
-
Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
-
Fiaduta pra pomnik Paskieviču ŭ Homieli: Čyhunnaj nahoj stanie na miažy z Ukrainaj, demanstrujučy, što ŭžo biełaruskuju ziamlu Pieciarburh nie addaść
-
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
adkryvaju "artykuł" - i točna