Prezident Francyi Emanuel Makron pryniaŭ adstaŭku ŭrada Habryela Atala. Ciapier jahony kabiniet budzie vykonvać tolki techničnyja funkcyi da pryznačeńnia novaha kabinieta, paviedamili ŭ Jelisiejskim pałacy.
Ciapier partyi ŭ Nacyjanalnym schodzie aktyŭna sprabujuć sfarmavać uradavuju kaalicyju, ale pierajemnika Atala pakul nie prahladajecca, paviedamlaje ahienctva AFP.
Pa vynikach druhoha tura parłamienckich vybaraŭ, jaki adbyŭsia 7 lipienia, praprezidenckaja kaalicyja «Razam za respubliku», jadrom jakoj źjaŭlajecca partyja Emanuela Makrona i Habryela Atala, zaniała druhoje miesca, atrymaŭšy 168 miescaŭ. Na pieršaje miesca vyjšła kaalicyja levych partyj «Novy narodny front» — u jaje 182 deputackija kresły. Treciaje miesca zaniało krajnie pravaje «Nacyjanalnaje abjadnańnie» — 143 mandaty.
Takim čynam, nivodnaja palityčnaja siła nie nabrała absalutnaj bolšaści, ale levyja mohuć pretendavać na farmiravańnie ŭrada.
Jak zajavili 16 lipienia ŭ Jelisiejskim pałacy, kab pieryjad niavyznačanaści zaviaršyŭsia jak maha chutčej, «respublikanskija siły pavinny pracavać razam dla dasiahnieńnia adzinstva», ale biez udziełu jak krajnie pravych, tak i krajnie levych.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary