U druhim tury parłamienckich vybaraŭ u Francyi ŭ lidary niečakana vybilisia levyja
U Francyi skončyŭsia druhi tur parłamienckich vybaraŭ.
Ultralevaja kaalicyja «Novy narodny front» vychodzić na pieršaje miesca ŭ druhim tury — ad ich u parłamiencie budzie ad 175 da 205 deputataŭ. Takuju acenku daje ekzitpoł Elabe, piša BFMTV.
Kaalicyja prezidenta Emanuela Makrona — na druhim miescy (150-170 deputataŭ).
Pravapapulisckaja partyja Maryn Lo Pen i Žardana Bardeły razam z sajuźnikami ŭ kančatkovym vyniku zaniała treciaje miesca (115-150 deputataŭ).
U mnohich miescach kandydaty ad levych abo centrysckich partyj źniali svaje kandydatury, što dazvoliła skancentravać hałasy praciŭnikaŭ Maryn Lo Pen na adnym kandydacie.
Vybary prachodziać u napružanaj abstanoŭcy, zadziejničana 30 000 palicejskich.
U pieršym tury ŭ minułuju niadzielu «Nacyjanalnaje abjadnańnie» Maryn Lo Pen nabrała 33,4% hałasoŭ. Ultralevaja kaalicyja «Novaha narodnaha frontu» zaniała druhoje miesca z 27,9%, a centryscki aljans prezidenta Makrona — treciaje miesca z 20,7% hałasoŭ.
Nahadajem, Makron 9 červienia abviaściŭ pazačarhovyja parłamienckija vybary paśla taho, jak pravyja pieramahli na vybarach ad Francyi ŭ Jeŭraparłamient. Termin samoha Makrona skančajecca ŭ 2027 hodzie.
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1919
Kamientary
Nu i jak varyjant moža być subjektyŭnaje mierkavańnie aŭtara artykułu, to bok nieprafiesijanalizm.
Darečy hramadzianin Francyi patomstvienny kamunist i pa druhoj prafiesii ..žurnalist dzieści zaraz ź Ivanam Urhantam u Paryže " marsieljezu" śpiavaje..