U Indyi ženicca syn samaha bahataha čałavieka krainy. Na viasielle patracili šalonyja hrošy

Bahaćcie Ambani aceńvajecca ŭ 120 miljardaŭ dalaraŭ, i na praciahu mnohich hadoŭ ich siamja nie hrebavała ekstravahantna tracić svaje hrošy, choć na samy darahi dom u śviecie — 27-paviarchovy asabniak-chmaračos, jaki ŭzvyšajecca nad Mumbai, — abo na viasielle, jakoje raniej ličyłasia samym darahim u Indyi, vydatkavaŭšy amal 100 miljonaŭ dalaraŭ (u 2018-m zamuž addavali dačku, na śviacie vystupała śpiavačka Biejonsie).

Ale navat dla siamji Ambani šmatmiesiačnyja ŭračystaści, źviazanyja ź viasiellem małodšaha syna, 29-hadovaha Ananta Ambani, z Radchikaj Mierčant, dačkoj farmaceŭtyčnaha mahnata, pierasiahnuli samyja śmiełyja fantazii, piša The Guardian.

Pavialičyć

Sama cyrymonija šlubu prachodzić na praciahu troch dzion u finansavaj i kinošnaj stalicy Mumbai, pačynajučy ź piatnicy. Na jaje zaprošany zornyja i ŭpłyvovyja hości — ad zorak Balivuda da palitykaŭ. Premjer-ministr Indyi Narendra Modzi, byłyja premjer-ministry Vialikabrytanii Barys Džonsan i Toni Błer, sielebryci Devid i Viktoryja Bekchem, Kim i Chłoja Kardašjan…

Pavialičyć

Raźminka pačałasia jašče ŭ sakaviku ź pieradviasielnaj viečarynki. Śpiavačcy Ryjanie, jakaja tam vystupiła, zapłacili 6 miljonaŭ dalaraŭ. A 1200 haściej, siarod jakich byli Bił Hiejts, Chiłary Klintan, Ivanka Tramp i Mark Cukierbierh, byli zaprošanyja na śvietłavoje šou z udziełam 5500 dronaŭ i viečarynu ŭ styli džunhlaŭ, jakaja supravadžałasia dzieviacistaronkavym dres-kodam.

Pavialičyć

Zatym u mai byŭ arhanizavany viasielny kruiz pa Mižziemnym mory na 800 haściej koštam 150 miljonaŭ dalaraŭ z vystupami Andrea Bačeli, Keci Pery, The Backstreet Boys i Pitbull. Viečaryny na borcie byli nastolki šumnymi, što žychary italjanskaha horada Hienuja vyklikali palicyju z-za šumu, anałahična aburalisia i ŭ rybackim pasieliščy Partafina.

Na minułym tydni na tradycyjnuju pieradviasielnuju noč z tancami i muzykaj prylacieŭ vystupić Džaścin Bibier — jamu zapłacili 10 miljonaŭ dalaraŭ.

Što da samoha viasiella, to asnoŭnyja cyrymonii projduć u vielizarnym kanfierenc-centry ŭ Mumbai. Da abureńnia mnohich žycharoŭ Mumbai, palicyja na try dni abmiežavała dostup da daroh kala kanfierenc-centra.

Siamiejnyja mierapryjemstvy taksama projduć u «Antylii», vielizarnym šmatpaviarchovym asabniaku Ambani ŭ Mumbai, u jakim jość balnaja zała, basiejn, viertalotnaja placoŭka i kinateatr, jaki byŭ upryhožany hirlandami i kvietkami dla śviatočnych mierapryjemstvaŭ.

• 4
• 19
• 3
• 0
• 3
• 0
• 11
• 1