Hulec hrodzienskaha «Niomana» z raźbiehu ŭdaryŭsia hałavoj ab žalezny płot. Voś što jaho ŭratavała VIDEA
Futbalistu jaŭna pašancavała.
Patencyjna niebiaśpiečny incydent zdaryŭsia padčas matču čempijanatu Biełarusi pa futbole pamiž «Minskam» i «Niomanam».
U kancoŭcy druhoha tajma rasijski abaronca hrodzienskaj kamandy Andrej Vasiljeŭ u baraćbie z supiernikam ulacieŭ hałavoj u žaleznuju aharodžu, jakaja na stadyjonie ŭ Minsku znachodzicca davoli blizka za vonkavaj linijaj.
Futbalista vyratavała, što jon hulaje ŭ šlemie. Vasiljeŭ staŭ vykarystoŭvać hety nie zusim zvyčajny dla futbalistaŭ aksesuar paśla surjoznaj traŭmy, jakuju atrymaŭ dva hady tamu.
Tady rasijanin sutyknuŭsia z napadajučym «Viciebska» Rusłanam Ciavieravym. U vyniku Vasiljeŭ atrymaŭ surjoznuju čerapna-mazhavuju traŭmu i straciŭ šeść zuboŭ. Futbalistu zrabili terminovuju apieracyju.
Z tych časoŭ pierad vychadam na pole Vasiljeŭ nadziaje šlem. Hetym razam jon dapamoh jamu paźbiehnuć jašče adnoj patencyjna surjoznaj traŭmy hałavy.
Kamientary