«Zvyčajna listy dachodzili rehularna». Ad Ryhora Kastusiova niama listoŭ paŭtara miesiaca
Ziać palityka Dźmitryj Antončyk paviedamiŭ «Viaśnie», što z pačatku traŭnia ad Ryhora Kastusiova na volu nie dajšoŭ nivodny list — choć raniej takoha vialikaha pierapynku ŭ listavańni nie było. Asudžany na vialiki termin palitviazień ciažka chvory.
67-hadovaha staršyniu Partyi BNF Ryhora Kastusiova ŭtrymlivajuć za kratami ŭžo bolš za try hady. U vieraśni 2022 hoda jaho pryznali vinavatym u «zmovie z metaj zachopu dziaržaŭnaj ułady» i pryznačyli jamu 10 hadoŭ kałonii.
U źniavoleńni ŭ palitviaźnia abvastrylisia prablemy sa zdaroŭjem — u jaho vyjavili ankałahičnaje zachvorvańnie. U krasaviku jamu zrabili apieracyju pa vyviadzieńni katetara z mačavika, paśla jakoj adrazu pieraviali ŭ turemnuju kamieru.
Pa słovach Dźmitryja Antončyka apošniaja viestka ad palitviaźnia była 9 traŭnia:
«Apošniaja paštoŭka, navat nie list, była 9 traŭnia ź vinšavańniami da Dnia narodzin jahonaj žonki. Ale bačna, što ŭ jaho vielmi vialikija prablemy ź listavańniem, bo listy jamu nie dachodziać. Byvaje, piša, što «nie atrymaŭ adkazu, tamu pišu znoŭ». Tamu apošnija listy byli bolš pierapisvańniem adnaho taho ž».
Jak vynikaje z apošnich listoŭ Ryhora Kastusiova, paśla apieracyi pa vyviadzieńni katetara z mačavika, jakaja adbyłasia napačatku krasavika, u palitviaźnia byli zapłanavanyja ŭ traŭni niekalki abśledavańniaŭ u Minsku.
«Zvyčajna tam bolš miesiaca nie trymajuć, ale amal dva miesiacy ŭžo niama listoŭ. Tamu nieviadoma ni dzie jon, ni jak. Raniej nie było takoha, kab takija vialikija pierapynki byli ŭ listavańni. Zvyčajna listy dachodzili rehularna».
Dźmitryj Antončyk miarkuje, što za hety čas Ryhora Kastusiova mahli pieravodzić u Baraŭlany na abśledavańnie, tamu mahli ŭźniknuć prablemy ź listavańniem na peŭny čas. Ale zvyčajna abśledavańni zajmajuć mienš času, tamu svajaki chvalujucca praz adsutnaść suviazi z palitviaźniem.
Ryhor Kastusioŭ byŭ zatrymany 12 krasavika 2021 hoda ŭ Škłovie. 5 vieraśnia sudździa Uładzimir Areška pryznaŭ Ryhora vinavatym i prysudziŭ jamu10 hadoŭ źniavoleńnia ŭ kałonii va ŭmovach uzmocnienaha režymu. U ivacevickaj kałonii № 22, dzie palitviazień spačatku adbyvaŭ termin, jaho niekalki razoŭ źmiaščali ŭ ŠIZA, a paźniej pieraviali ŭ PKT.
U sudzie Ivacevickaha rajona 15 studzienia adbyŭsia sud pa zamienie palitviaźniu režymu ŭtrymańnia. Pa rašeńni Siarhieja Kuchackavolca, Ryhora Kastusiova pieraviali na turemny režym u Hrodna.
U źniavoleńni ŭ palitviaźnia vyjavili padazreńnie na ankazachvorvańnie. Napačatku krasavika svajakam palitviaźnia stała viadoma, što jamu zrabili apieracyju — vyvieli katetar z mačavika. Apieracyja źniała niebiaśpieku razryvu puzyra ŭ Kastusiova, ale ŭskładniła znachodžańnie palitviaźnia ŭ turmie.
Ryhor Kastusioŭ u vieršavanych radkach pakinuŭ testamient na vypadak śmierci ŭ turmie
«Kali vypadkova natrapić na lusterka, nie moža pavieryć, što jaho daviało da takoha stanu» — ziać pra źniavolenaha Ryhora Kastusiova
«Pražyć 6 hadoŭ vyhladaje składanaj zadačaj». Ryhor Kastusioŭ dasłaŭ list z-za krataŭ
Adsutnaść nyrki, puchlina ŭ hałavie, rak. Chto ź biełaruskich palitviaźniaŭ maje za kratami vialikija prablemy sa zdaroŭjem
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary