Nahadajem, što ŭčora stała viadoma pra samahubstva pasła ŭ Niamieččynie Dzianisa Sidarenki.
Proźviščy jašče nie nazyvajucca, adnak telehram-kanał «Puł pieršaha» paviedamiŭ pra novyja pasady. Tak, stracić pasadu ministra zamiežnych spraŭ Siarhiej Alejnik.
Taksama buduć pryznačanyja kiraŭnik i pieršy namieśnik kiraŭnika Administracyi, vice-premjer pa APK, ministr sielskaj haspadarki, ministr pramysłovaści, pamočnik Łukašenki pa Minsku, pasoł u Rasii.
Siarhiej Alejnik zajmaŭ pasadu ministra zamiežnych spraŭ z 13 śniežnia 2022 hoda paśla śmierci 26 listapada 2022 hoda Uładzimira Makieja.
***
Siarhiej Alejnik naradziŭsia ŭ 1965 u Minsku. Skončyŭ Minski dziaržaŭny piedahahičny instytut zamiežnych moŭ pa śpiecyjalnaści «Niamieckaja i anhlijskaja movy». U 1986—1988 hadach pracavaŭ namieśnikam sakratara kamiteta kamsamoła Minskaha dziaržaŭnaha piedahahičnaha instytuta zamiežnych moŭ. U 1988—1992 hadach prachodziŭ vajennuju słužbu.
Na dypłamatyčnaj słužbie z 1992 hoda. U 1992—1993 hadach pracavaŭ trecim sakratarom konsulskaha ŭpraŭleńnia, u 1993—1994 hadach — načalnikam pašpartna-vizavaha adździeła konsulskaha ŭpraŭleńnia Ministerstva zamiežnych spraŭ.
U 1994‒1995 hadach — namieśnik načalnika adździeła dziaržaŭnaha pratakoła, namieśnik načalnika słužby dziaržaŭnaha pratakoła Ministerstva zamiežnych spraŭ.
U 1995‒1996 hadach pracavaŭ konsułam, kiraŭnikom konsulstva Biełarusi ŭ Haazie.
U 1996‒1999 hadach pracavaŭ savietnikam pasolstva Biełarusi ŭ Niderłandach.
U 1999‒2002 hadach — načalnik słužby dziaržaŭnaha pratakoła Ministerstva zamiežnych spraŭ.
Z 2002 hoda byŭ pastajannym pradstaŭnikom pry adździaleńni AAN i inšych mižnarodnych arhanizacyjach u Ženievie.
U 2009-2013 — namieśnik ministra zamiežnych spraŭ.
U 2013-2020 — pasoł u Vialikabrytanii i Irłandyi.
U 2020-2022 — namieśnik ministra zamiežnych spraŭ.
U 2022 — pieršy namieśnik ministra zamiežnych spraŭ.
U 2022-2024 — ministr zamiežnych spraŭ.
Ciapier čytajuć
Zamiest vajny słany ŭ novaj knizie Sašy Filipienki. Tam Maskva i šmat manipulacyi3
Kamientary
1.Nie apraŭdaŭ spadziavańniaŭ uzurpatara na praryŭ mižnarodnaj izalacyi režyma. Heta tolki Śluńkin zajaŭlaje pra pastupovyja pośpiechi łukašenkaŭskaj dypłamatyi.
2.Adstaŭka Alejnika niejak źviazanaja z samazabojstvam byłoha ambasadara ŭ Niamieččyni Sydarenki.