Na Homielščynie adznačajecca ŭspyška pnieŭmanij u dziaciej. Ułady ŭžo nie mohuć heta ihnaravać
Apošnimi dniami ŭ sacsietkach pačali źjaŭlacca dopisy pra vialikuju kolkaść pnieŭmanij u biełaruskich dziaciej. Pieradusim heta charakterna dla Homielskaj vobłaści. Žychary Mazyra skardzilisia, što balnica pierapoŭnienaja i, kali situacyja nie krytyčnaja, to małych adpraŭlajuć lačycca dadomu. Prykładna pra toje ž samaje kazali žychary Kalinkavič i navat Homiela.
Aficyjna hetamu nie było ani paćvierdžańniaŭ, ani abviaržeńniaŭ — da siońniašniaha dnia.
Ciapier ža z raskazam, što ŭsio narmalna, ale ŭsio na kantroli vystupiŭ Maksim Ryžankoŭ, jaki vykonvaje abaviazki kiraŭnika administracyi Łukašenki i faktyčna źjaŭlajecca adnym z najvyšejšych čynoŭnikaŭ u Biełarusi.
Ryžankoŭ naviedaŭ Čačersk— heta jakraz na Homielščynie, adkul i prychodzili tryvožnyja naviny pra chvarobu. Tam čynoŭnik zavitaŭ u miascovuju balnicu i paśla adznačyŭ: chvalavacca niama pra što, miescaŭ u špitali chapaje i hetak dalej.
Ale ŭvahu pryciahvajuć dva jaho vykazvańni. Voś pieršaje:
«Situacyja pad kantrolem. Prezidentam pastaŭlenyja kankretnyja zadačy, dadziena daručeńnie ministru achovy zdaroŭja».
A voś druhoje:
«Miescaŭ dla špitalizacyi chapaje, pnieŭmanii praciakajuć nie ŭ ciažkaj formie. Našy lekary viedajuć, što rabić. Nijakich ekstranych rečaŭ nie nazirajecca. U cełym pytańnie staić na kantroli. Niekatoryja śpiecyjalisty źviazvajuć situacyju ź lepšaj dyjahnostykaj, jakaja dazvalaje vyjaŭlać niekatoryja rečy, jakija raniej razhladalisia pad inšym śpiektram ci nie vyjaŭlalisia».
A naprykancy Ryžankoŭ jašče dadaŭ, što na asobym kantroli i zabiaśpiečanaść miedykamientami.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary