U miesiendžarach stali źjaŭlacca prapanovy ab pryvabnych źnižkach na pajezdki maršrutkami «Atłas».
Ašukancy vykarystoŭvajuć roznyja varyjanty nazvy «atlas» u svaich akaŭntach, piša Blizko.by.
Jany prapanujuć zapoŭnić formu, apłacić bilet sa źnižkaj i zapłacić «kamisiju» pradaŭcu. U adkaz abiacajuć dasłać numar braniravańnia i detali rejsa. Voś tak moža vyhladać paviedamleńnie machlaroŭ.
Adnak broń robicca na nie sapraŭdny virtualny numar, pry hetym prosiać pakazać realnyja danyja pasažyra.
Heta moža pryvieści da trapleńnia akaŭnta klijenta ŭ čorny śpis.
— Ašukanskaja schiema nie nou-chau. Siezonnaść i viadomaść brenda — heta hałoŭnyja začepki kibierzłačyncaŭ. Hetym razam u ich fokus uvahi trapiła kampanija-pieravozčyk. Sama kampanija i papiaredžvaje pasažyraŭ ab złačynnaj schiemie. Klijenty i pasažyry pavinny pamiatać u hetym vypadku, što danyja, jakija traplajuć da ašukancaŭ pry zapaŭnieńni formaŭ, dzie jany pakazvajuć svaje piersanalnyja źviestki, mohuć jašče vielmi doŭha zachoŭvajecca ŭ bazach kibierzłačyncaŭ. A heta značyć, što ašukancy mohuć čas ad času źjaŭlacca «na haryzoncie» i davać pra siabie viedać, prapanoŭvajučy roznyja formy ŭzajemadziejańnia. Heta mohuć być falšyvyja zvanki z banka, sacabarony abo prosta prapanovy rozyhryšu. Tamu budźcie ŭvažlivyja, kali ŭžo paśpieli zapoŭnić niejkija dadzienyja ŭ internecie pa spasyłcy, atrymanaj ad machlaroŭ, jakija maskirujucca pad dadzienaha pieravozčyka, — kaža Viačasłaŭ Sienin, ekśpiert pa internet-płaciažach i dyrektar kampanii pravajdara Assist Belarus.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary