Vyjšła vydańnie, dzie pad adnoj vokładkaj sabranyja narodnyja lehiendy i bylički
U vydaviectvie «Biełaruskaja navuka» vyjšła ŭnikalnaje vydańnie «Adkul praŭda i kryŭda» z sieryi «Falkłornyja skarby Biełarusi». Kniha maje taksama i hukavy dadatak, piša «Budźma».
U vydańnie ŭklučany lehiendy i bylički jak asablivaja forma nazapašańnia, zachavańnia i pieradačy tradycyjnych viedaŭ ab pryrodzie, socyumie, hramadstvie, čałavieku.
Układalnicy Alena Bohanieva i Taćciana Vałodzina zrabili akcent na zapisach apošnich dziesiacihodździaŭ, što vyjaŭlaje žyćciazdolnaść i hłybiniu pamiaci kultury vusnaha typu navat u našu technakratyčnuju epochu. Častka z materyjałaŭ drukujecca ŭpieršyniu.
Teksty ilustravanyja admietnym vidam biełaruskaha narodnaha mastactva — vycinankami, jakija zrabiła biełaruskaja majstrycha vycinanki Halina Žuraŭlova.
Kniha supravadžajecca aŭdyja— abo videazapisami asobnych tekstaŭ, zroblenymi ŭkładalnikami ŭ roznych rajonach Biełarusi, jakija raźmieščany na YouTube-kanale.
Taksama, dziela pašyreńnia čytackaj aŭdytoryi siužety ŭ knizie pierakazanyja pa-anhielsku i pa-rasiejsku.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?22
Kamientary