Arhanizatary premii imia Ježy Hiedrojcia za najlepšuju aryhinalnuju knihu, napisanuju na biełaruskaj movie ŭ žanrach mastackaj i dakumientalnaj prozy i vydadzienuju ŭ 2023 hodzie abviaščajuć pačatak pryjomu zajavak, paviedamlaje bellit.info.
Naminavać knihi na ŭdzieł mohuć sami aŭtary, vydaviectvy, tvorčyja abjadnańni, kulturnickija instytucyi, litaraturnyja ŚMI, arhkamitet premii i siabry žury. Dla hetaha nieabchodna zapoŭnić adpaviednuju formu.
Zajaŭki prymajucca da 4 lipienia ŭklučna.
Arhanizatary konkursu źviartajuć uvahu, što ŭ statucie premii adbylisia źmieny, bolš padrabiazna ź jakimi možna ŭ abnoŭlenym statucie i rehłamiencie.
Patron premii — Ježy Hiedrojć, viadomy publicyst, palityk i paśladoŭny prychilnik dobrasusiedskich znosinaŭ pamiž Polščaj i Biełaruśsiu, Litvoj, Ukrainaj.
Premija ŭručajecca z 2012 hoda za najlepšuju knihu ŭ žanry mastackaj i dakumientalnaj prozy i na siońniašni dzień jana stała hałoŭnaj niezaležnaj litaraturnaj uznaharodaj Biełarusi. Pieramožcy apošnich troch hadoŭ — Jeva Viežnaviec z knihaj «Pa što idzieš voŭča» (2021), Siarhiej Abłamiejka z tvoram «Nieviadomy Miensk. Historyja źniknieńnia. Kniha pieršaja» (2022), Hanna Kandraciuk z pracaj «U pryścienkach staroha lesu. Historyi ludziej ź Biełaviežskaj puščy» (2023).
Arhanizatary premii — Biełaruski PEN i Mižnarodny sajuz biełaruskich piśmieńnikaŭ pry padtrymcy Ambasady Polščy i Polskaha instytuta ŭ Minsku.
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy24
Kamientary