Premjer-ministr Raman Hałoŭčanka, jaki 17 červienia rabiŭ dakład Łukašenku, zajaviŭ u kamientaryi dziaržaŭnym ŚMI, što ličba admoŭnaha salda ŭ źniešnim handli «nie vyklikaje niejkaj zaniepakojenaści», i jana, maŭlaŭ, «budzie pierakrytaja ŭžo pa vynikach troch kvartałaŭ». Pierad hetym na admoŭnuju ličbu źviarnuŭ uvahu Łukašenka.
Padčas dakładu Łukašenki premjer-ministr adznačyŭ, što za studzień — maj ź piaci asnoŭnych pakazčykaŭ sacyjalna-ekanamičnaha raźvićcia «całkam vykananyja i pieravykananyja čatyry».
Łukašenka, u svaju čarhu, zajaviŭ, što ŭ ekanomicy «jość peŭnyja, jak zaŭsiody, naściarožvalnyja faktary»:
«Ale samaje hałoŭnaje, ja zaŭvažyŭ u srodkach masavaj infarmacyi roznaha ŭzroŭniu, toje, što ŭ nas admoŭnaje salda. Choć nievialikaje, ale składvajecca admoŭnaje salda».
Adnak ža, pavodle Hałoŭčanki, jaki prakamientavaŭ situacyju ŭžo paśla vychadu ad Łukašenki, «nijakaj katastrofy niama».
«Kali kazać pra pryčyny, to jany prazaičnyja: suśvietnaja cana na naftu vyrasła. My kuplajem syruju naftu, tamu heta adyhrała na pavieličeńnie koštu impartu, plus źnizilisia ceny na tradycyjnyja biełaruskija tavary na źniešnich rynkach», — skazaŭ premjer.
Tamu ciapier biełaruskija vytvorcy, «choć i pavialičyli fizičnyja abjomy ekspartu praktyčna na 10%, ale ŭ hrašach atrymali krychu mienš z-za cenavaj prasadki». Adnak ža z krasavika, maŭlaŭ, nazirajecca advarotnaja dynamika, «ceny pačynajuć padrastać».
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary