Kožny šosty pradadzieny ŭ Biełarusi aŭtamabil — elektryčny abo hibrydny
Źviestki ab prodažach, sabranyja aŭtamabilnym chołdynham «Atłant-M», kažuć pra toje, što za maj u Biełarusi pradali 3994 novyja aŭtamabili, ź ich 664 — elektramabili i hibrydy.
Heta značyć, što kožny šosty pradadzieny ŭ Biełarusi aŭtamabil elektryčny abo hibrydny, patłumačyŭ žurnalistam dyrektar kamiercyjnaha adździaleńnia «Atłant-M Elektramabili» Alaksiej Ułasaŭ.
U prodažy elektramabilaŭ jość svaje rekordy: naprykład, siońnia ŭ pieršaj dziasiatcy samych pradavanych marak — 4 «zialonyja» brendy. U siehmiencie premijalnych aŭtamabilaŭ taksama daminujuć elektryčki.
Spažyŭcy adznačajuć,što chočuć bačyć u elektramabilaŭ zapas chodu bolšy — 1000—1300 km, i dylery, płanujučy dastaŭku, prodažu, zychodziać z takoj patreby.
«Liču, što 2024—2025 hady — najlepšy čas dla kupli ŭ Biełarusi elektramabilaŭ, da momantu admieny lhot na ich. Ciapier u košcie elektramabila praktyčna niama padatkaŭ i pošlin, u toj čas jak u mašynie z DVS 60% — heta padatki i pošliny», — raspavioŭ Ułasaŭ.
Jon dadaŭ, što ciapier aŭtatrejdary nazirajuć pazityŭnyja źmieny na biełaruskim rynku: adbyŭsia zruch da masavaha karystalnika, siemji kuplajuć 2-3 mašyny. Klijenty z radaściu pierasadžvajucca z paŭsiedanaŭ na krasoviery.
Adnak u Biełaruś usie elektramabili zavoziacca pa paralelnym imparcie, i hetaja tendencyja zachoŭvajecca, u siłu taho, što najbujniejšyja hulcy nie zachodziać aficyjna na rynak. I robiać heta śviadoma.
Pa-pieršaje, tamu, što rynak Biełarusi dla ich nievialiki: jaho abjom — pakul 20-40 tys. štuk u hod. Heta niecikava dla bujnoha vytvorcy z prodažami miljonaŭ aŭtamabilaŭ. Mahčyma, cikavaść była b vyšejšaj, kali b naohuł nijakich ryzyk vakoł nie było. Ale ryzyki jakraz isnujuć — u vyhladzie pahrozy druhasnych sankcyj.
My bačym, jak u Kazachstanie, naprykład, banki pierastajuć hrošy prymać dla adpraŭki ŭ Kitaj i składanaść dastaŭki techniki ŭzrastaje. Tamu biznes šmatkroć uzvažvajuć ryzyki — usie bajacca druhasnych sankcyj, banki šmatkroć udakładniajuć, kudy mašyny pajšli», — patłumačyŭ ekśpiert.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary