«Ja ich pieramahła!» Kaciarynie Vadanosavaj udałosia dakazać, što jana mieła prava na biaspłatnaje lačeńnie ŭ Polščy
Televiadučaja i śpiavačka Kaciaryna Vadanosava dakazała, što mieła prava na biaspłatnaje lačeńnie ad ankałahičnaha zachvorvańnia ŭ Polščy. Da hetaha Nacyjanalny fond zdaroŭja (NFZ) vystaviŭ joj rachunak. Svaju historyju Kaciaryna raskazała na staroncy ŭ instahramie.
Kaciaryna Vadanosava ŭ mai 2024 hoda
Ankałahičnaja chvaroba hrudziej u Vadanosavaj była dyjahnastavanaja ŭ 2022 hodzie. Jana była tady ŭžo ŭ emihracyi ŭ Polščy, u Biełaruś viarnucca nie mahła, tamu musiła lačycca ŭ hetaj krainie.
Jak asoba, što znachodziłasia tady ŭ čakańni mižnarodnaj achovy, Kaciaryna Vadanosava mieła prava prachodzić lačeńnie biaspłatna, ale NFZ čamuści vyrašyŭ inakš, tamu, jak piša žančyna, «vystaviŭ mnie dziki rachunak za apieracyi, chimijaterapii dy reabilitacyju».
Jana z hetym nie pahadziłasia i nie źmiryłasia, tym bolš što paśla taho, jak pa jaje spravie ab achovie było vyniesiena stanoŭčaje rašeńnie, jana ŭžo pracavała pa damovie, što praduhledžvała i miedycynskuju strachoŭku.
«Dyk voś, kali pracu pa ŭmovie (i, adpaviedna, unioski ŭ funduš zdaroŭja) dakazać było davoli lohka (chacia ja da hetaha času nie razumieju, čamu NFZ nie atrymaŭ hetuju infu ad ZUS), to sa strachoŭkaj u čakańni achovy pryjšłosia troški papacieć», — piša Vadanosava.
Joj pryjšłosia prajści praz mocnyja biurakratyčnyja pieraškody:
«Pryjšłosia niekalki razoŭ abivać parohi centra biežancaŭ, špitala, ułasna NFZ, a jany mianie špyniali, jak miačyk futbolny: centr pasuje špitalu, špital — centru, centr — łahieru biežancaŭ, łahier — miedcentru Petra Medica, i h. d. pa kole».
Reč u tym, što nakiravańnie ŭ špital Vadanosava atrymała spačatku ŭ miedpunkcie pryjomnika-raźmierkavalnika biežancaŭ u Biełastoku, a dla ankałahičnaha špitala heta byŭ pieršy taki kiejs, i adpaviedna nie było adpracavanaha ałharytmu, što ŭ takich vypadkach rabić.
«Ale ja ich pieramahła! I jany navat vybačylisia! NFZ vybačyŭsia, ujaŭlajecie?! Boža, jakija cudoŭnyja ludzi! I ja nie budu pradavać nyrku! Dy nichto b i nie kupiŭ jaje, z padazreńniem-ta na złajakasnaje ŭtvareńnie!», — radujecca Kaciaryna, dziakujučy ŭsim tym, chto dapamahaŭ joj na roznych etapach.
Kaciaryna Vadanosava raskazała, jak piła piva ź Dziermantam i była z Marzalukom na kurhanach
«Bol nikoli nie źnikaje». Kaciaryna Vadanosava — pra žyćcio paśla raku i źmieny, jakija ciažka pryniać
Kaciaryna Vadanosava vyšyła šykoŭny viasielny stroj — tolki pahladzicie
«Druhi muž čakaŭ mianie 17 hadoŭ». Kaciaryna Vadanosava raskazała pra šluby, razvod, abjuz i sprobu samahubstva
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary