Łukašenka raskazaŭ, što pad vybary vydatkavaŭ na prapahandystaŭ «niemałyja hrošy»
Pryznačajučy Marata Markava, Alaksandr Łukašenka adznačyŭ, što vydzieliŭ prapahandystam niemałyja hrošy, tamu čakaje vynik nie paźniej za 1 vieraśnia, a adkazvać za heta budzie novy ministr.
U časie pryznačeńnia Markava novym ministram infarmacyi Łukašenka skazaŭ, što toj moža pracavać i na telebačańni, ale najpierš Łukašenka spytaje jaho za asnoŭnuju pracu. Markaŭ adkazaŭ, što vydatna razumieje, «što čas dosyć surjozny».
— Tam sapraŭdy jość masa pytańniaŭ, tym bolš napiaredadni vybaraŭ. Patrebna budzie vybudoŭvać i novyja miedyja. I dziakujučy rašeńniam, jakija vy pryniali <> na siońniašni dzień mahčymaści takija ŭ telekanałaŭ jość, ale hetyja mahčymaści treba naroščvać i pašyrać, — skazaŭ Markaŭ.
Łukašenka jaho pierabiŭ:
— Za mahčymaści vy adkažacie hałavoju — tam hrošy niemałyja…. — skazaŭ jon.
Jon udakładniŭ, što za hrošy, vyniki, novyja prahramy Markaŭ budzie adkazvać piersanalna. Padklučać, pavodle Łukašenki treba, «kaho treba, — i ANT, i STV, i Pieršy kanał».
— Dalej za 1 vieraśnia ciahnuć užo niama kudy. U vas pavinna być i studyja dobraja dla televizijščykaŭ. Hałoŭnaje, hrošy, finansy. Vy pavinny trymać ich u rukach, i kožnamu davać pa kapiejcy tudy, kudy treba. Heta hałoŭnaje dla mianie, — skazaŭ Łukašenka.
Siońnia ž Łukašenka, jaki pad vybary daŭ prapahandystam «niemałyja hrošy», zajaviŭ pra nieabchodnaść skaračeńnia dapamohi šmatdzietnym siemjam i inšych ilhot.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»3
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Pri pravilnoj propahandie, staraja, triochprocientnaja, nieobrazovannaja, chamavitaja, no złopamiatnaja razvalina, s familijej łukašienko, proihrajet lubomu.