U novym vypusku TOKu palitołah Juryj Drakachrust vykazaŭ nietryvijalny pohlad na biełaruskich prapahandystaŭ. I patłumačyŭ, čamu niekatorych ź ich možna nazvać intelektuałami.
Pa słovach Drakachrusta, biełaruskija prapahandysty, kštałtu Hihina, Piatroŭskaha, Špakoŭskaha, Dziermanta — «taksama Biełaruś, taksama biełaruščyna».
«Voś takija my. U tym liku takija, jak jany. Jany častka biełaruskaha dyskursu, naratyvu. Heta toje, pra što Biełaruś havoryć sama sabie i pra što havoryć śvietu. (…) Voś takija my jość. Inšych značnych intelektuałaŭ na tym baku niama».
Palitołah vykazvaje dumku, što mnohija ź siońniašnich praŭładnych prapahandystaŭ nie zhubiacca i ŭ novaj Biełarusi i taksama buduć ihrać svaje roli.
Drakachrust adznačaje, što nie padzialaje ich pohlady, ale nie ličyć ich «durniami ci niejkimi padonkami». «U mianie niama pretenzij da tych, chto vybiraje inšy bok», — zaŭvažaje palitołah.
Najbolš anhažavanymi ŭ palityku jon ličyć Hihina i Špakoŭskaha. «Adzin deputat, druhi — dypłamat, čynoŭnik».
Palitołah miarkuje, što Hihina možna nazvać intelektuałam, i tłumačyć:
«Intelektuał — heta nie miedal «Za advahu» i nie miedal za toje, što jany takija razumnyja, jak i my. (…) Hiebiels byŭ intelektuałam. Kamu było radaści ad jaho intelektualizmu? Niamnohim. Intelektuał — heta nie pachvała».
Hladzicie całkam:
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
U Drakachrusta niama pretenzij da adyjoznych łukašenkaŭskich prapahandystaŭ, jakija nie vyłaziać z telepieradač rasiejskaj prapahandy: Hihina, Piatroŭskaha, Špakoŭskaha, Dziermanta.
Jany dla Drakachrusta «taksama Biełaruś, taksama biełaruščyna».